Qazırgı ötpegen zamanda, dın–mūsylman amanda, Ūlybritaniia degen elınde, London degen jerınde, sorep–sorep tastaǧan kämpittei tyryq, ernı jyryq, jelkesı qūiqa, şaşy būira, erını ölıp qalǧan kesırtke, özı bır sekırıp jürgen şegırtke, siraqtary keuıp qalǧan būtaqtai, miy qūrtttap ketken ūntaqtai, laqap aty– Borat degen, bızdıŋ eldı mazaqtap, esektıŋ miyn jegen, şyn aty– Koen Saşa, süiıktı asy–mannaia kaşa... ömır sürıptı.
Bır künı Namys patşa uäzırlerın şaqyryp aldy:
–Borat degen bıreu osydan bıraz būryn elımızdı mazaqtaityn film tüsırıp, älemge masqaramyzdy şyǧarǧan edı. Endı etpetınen jatyp alyp, esektei aqyryp alyp, «Borat–2» degen mazaq film tüsırıptı. Onyŋ jarnamasyna özınıŋ tyrjalaŋaş eskertkışın tūrǧyzyp, jandaişaptaryna kök tuymyzdy qorlatyp, taptatyp, jalaŋaş eskertkışke jauyp qoiypty. Namystaryŋ bar şyǧar, dereu, onyŋ basyn şauyp äkelıŋder, jerge kırıp ketse de, ızdep, tauyp äkelıŋder! –dep būiyrdy.
–Läbbai, taqsyr, būiryǧyŋyz Qazaqstan qylmystyq kodeksınıŋ «Ar–namys» babynyŋ 00 baby boiynşa oryndalady! –dedı bas uäzır.
–Basyn qaǧyp alyŋdar, şaşyn qyryp tastap, pıste mai jaǧyp alyŋdar!
Bas uäzır ekı şpion uäzırın ertıp alyp, qoldarynda naiza, belderınde qaiqy qylyşpen Ūlybritaniiaǧa attandy. Būl kezde elımızde pandemiia jürıp jatqandyqtan, Ūlybritaniiaǧa ūşaqtar ūşpaityn edı. Olar jolai ertegıler elındegı tausoǧar men költauysardy ertıp aldy. Tıptı, zūlymdyqtyŋ jarşysy mystan kempır de qosyla kettı. Ony aitasyz, «Qyz–Jıbektegı» Bekejan batyr men Tölegen de soŋdarynan ılestı. Olar Londonnyŋ «Sasyqtar» kafesıne kırıp kelgende, Borat basyn qasyp, bır sūlu bikeştıŋ qos anarynan iıskep otyrǧan. Bas uäzır:
–Kto po imeni Borat? –dep sūrady aǧylşyn tılın bılmegendıkten.
–Keşırıŋız, men ǧoi, –dedı Borat qyzdyŋ tösınen basyn jūlyp alyp.
–Aiypqa būirmaŋyz, sızdıŋ basyŋyz kerek edı, –dedı Tölegen batyr.
–Qalai sonda?
–Patşamyz basyŋyzdy kerek etıp jatyr.
Boratttyŋ būtynan fontan atqylady. Jıberıp qoidy. Ornynan qaltyrai tūryp:
–Sonda menıŋ basymdy şauyp almaqşysyzdar ma? Polisiia! –dep aiqai saldy. Bes alty polisiia jügırıp kelıp edı, Bekejan sadaǧymen bırın mūrttai ūşyrdy. Ekınşısın Tölegen taspen bır ūryp qūlatty. Üşınşısın mystan kempır jelkesınen tıstep jylatty. Borat kafeden tūra qaşty. Olar quyp kep bersın. Bır jerlerge kelgende, Borattyŋ artynda tūrǧan saiasat saiqaldary şyqqan edı, uralap, tausoǧar ekı taudy jūlyp alyp, olarǧa qarai atty turalap. Odan da qūtylǧan Borattyŋ borbaiy şyp–şyp terlep, şaşy jalbyrap, özı qaltyrap, bır kölge süŋgıdı de kettı.Balyq siiaqty körınbei qaldy. Bas uäzır költauysarǧa qarady. Költauysar köldı bır ret qana ūrttap edı, bıreu qarnyn şapattap qūm üstınde jatyr. Borat qoi. Bas uäzırdı körıp, basyn qūmǧa tyǧyp alyp, qūiryǧyn kökke qarata, toŋqaiyp qalyp edı, mystan kempır qūiryǧyn şymşyp:
–Balam, saǧan taŋ qalam, ne ıstedı menıŋ dalam? Tūra ǧoi! –dedı ketık tısın körsete, keŋkıldei külıp. Borat basyn qūmnan jūlyp alyp, eŋkıldep jylai bastady. Bıraq oǧan bas uäzır qarasyn ba, qaiqy qylyşpen basyn şauyp aldy. Domalap ketken basty bır jerden mystan kempır tauyp aldy.Etegınen tüsıp ketıp edı, basy domalap bara jatyp keşırım sūrap jatyr. Qazaq handyǧynan. Qazaq elınen. Keşıremız be, qaitemız?
Mūhtar Şerımnıŋ qyşqyl satirasy,
«Adyrna» ūlttyq portaly
