Ázerbaıjan áskeri qyrkúıek aıynyń sońynan beri ózin ózi jarııalaǵan Taýly Qarabaqtaǵy 40 eldi mekendi qaıtaryp aldyq dep málimdedi el prezıdenti Ilham Alıev túriktiń NTV kanalyna bergen suqbatynda.
Ázerbaıjan prezıdenti armıan-ázerbaıjan qaqtyǵysyn Túrkııa sheshýi múmkin edi dedi. Biraq Baký men Ankara Ázerbaıjan aýmaǵynan túriktiń áskerı bazasyn qurý jóninde eshqashan kelissóz júrgizgen emes. France 24 kanalyna bergen suqbatynda Alıev Túrkııa áskerı qaqtyǵysqa qatysyp jatqan joq dep atap ótti.
Al óz kezeginde Taýly Qarabaq ókili Stepanakertta Ázerbaıjan tarapy taǵy da áskerı soqqy berdi dedi. Ózin ózi jarııalaǵan Taýly Qarabaq respýblıkasy Bakýdyń beıbit turǵyndarǵa oq atty degen málimdemesin teriske shyǵardy.
Taýly Qarabaqtaǵy qaqtyǵys 27 qyrkúıekte bastalǵan. Armenııa men Ázerbaıjan shıelenisti birinshi bolyp bastady dep bir-birin aıyptaıdy.
Armenııa men Ázerbaıjan arasyndaǵy Taýly Qarabaq daýy Sovet Odaǵy kezinen jalǵasyp keledi. 1988 jyly bastalyp, 1994 jyly aıaqtalǵan soǵys kezinde 30 myńǵa jýyq adam qaza tapty, júzdegen myń adam bosqynǵa aınaldy. Negizinen armıandar turatyn aımaq 1991 jyly Ázerbaıjannan bólinip shyǵatynyn málimdedi, biraq álemniń eshqandaı eli ony moıyndamady. Halyqaralyq quqyqqa sáıkes, Taýly Qarabaq – Ázerbaıjan jeri.
"Adyrna" ulttyq portaly
