Shymkent qalasynda memlekettik tildiń mártebesin kóterý maqsatynda «Sátti jarnama» akııasy uıymdastyryldy. Akııanyń negizgi maqsaty - qala aýmaǵyndaǵy mańdaısha jáne syrtqy kórneki jarnama mátinderin «Qazaqstan Respýblıkasyndaǵy til týraly», «Jarnama týraly» QR Zańdarynyń talaptaryna sáıkes retke keltirý.
Shymkent qalasynyń mádenıet, tilderdi damytý jáne arhıvter basqarmasynyń uıymdastyrýymen ótken sharaǵa aýdan ákimdikteriniń, sáýlet, qala qurylysy jáne jer qatynastary basqarmasynyń, ishki saýda jáne monıtorıngi bólimi, tilderdi oqytý-ádistemelik ortalyǵynyń qyzmetkerleri qatysty.
Akııa barysynda Táýke han dańǵyly, J. Aımaýytov, Saıram, Elshibek batyr, Sh. Ýalıhanov kóshelerindegi jalpy 542 kommerııalyq nysan tekserildi. Zań talaptaryna qaıshy ornalastyrǵan 80 jarnama boıynsha kásipkerlerge túsindirý jumystary júrgizilip, ádistemelik kómek retinde kitapshalar taratyldy.
Basqarma mamandarynyń aıtýynsha, bıyl 9 aıda 2 myńǵa jýyq kommerııalyq nysan tekserilip, Zań talaptaryna qaıshy ornalastyrǵan 155 jarnama retke keltirilgen.
Shymkent qalasy ákiminiń baspasóz qyzmeti
