Ámirbolat QUSAIYNULY: Qyrǵyzstanda sholaq saqaldylardyń dáýiri bastaldy

3204
Adyrna.kz Telegram

Jýrnalıst Ámirbolat Qusaıynuly Facebook jelisindegi resmı paraqshasynda kórshiles qyrǵyz elinde bolǵan oqıǵaǵa baılanysty pikirin bildirdi, dep habarlaıdy «Adyrna» ulttyq portaly. Ol qyrǵyz eliniń bıligine sholaq saqaldylar keldi dep esepteıdi.

«Qyrǵyzda tek oppozıııa emes, sholaq saqaldylar da jeńiske jetti, bermegen bılikti julyp aldy. 5-ne qaraǵan túni mamandyǵy fızrýk S.Japarovta, eks-prezıdent A.Atambaevta birdeı túrmeden shyqty.

Ekeýi de tyǵylyp qalǵan prezıdent Sooronbaıdyń jaýy. Biraq, bir kúnnen soń birden premerlikke umtylǵan Sadyrdy sot «aqtady», al aǵynan jarylatyn Almazbekti úı qamaqqa qolhatpen bosatty. Qańyrap qalǵan úkimet úıin jaqtastarymen birge Japarov eki kún qonaqtady. 8-qazan kúni Sadyrdyń saqaldy «sarbazdary» ses kórsetip, «Alo-Too» alańyn bastaryna kóterdi. 9-y tańerteń birneshe partııa amalsyz sadyrlyqtarǵa qarsy birikti de, tús qaıta Atambaev pen Babanov bastaǵandar úkimet úıiniń aldynda beıbit mıtıng ótkizdi. Rasyn aıtsam, Babanovta, Atambaevta oıǵa qonymdy táýir sózder sóıledi.

Tús qaıta Japarovtyń jaqtastary urandatyp tynysh turǵan alańdaǵy Almazbekterdiń qoldaýshylaryna soqtyǵysyp, kımeleı kelip tóbelesti bastap jiberdi.

Soıylmen kelgen Sadyrdyń agressıvti adamdary analardy jarty saǵattan soń tas-talqan etti. Premerlikke umtylǵan Babanovty tepkilep, jylyjaıda qııar ósirýde tájirıbesi ǵana bolsada vıe-premerlikke úmitker naryndyq jigit Tılek Toktogazıevty uryp, reanımaııaǵa túsirdi.

Almazbek brondy mashınasynyń arqasynda oqtan aman qaldy. Qaı jeńgeniń bizdiki degendeı bolǵan bılik «jappaı tártipsizdik uıymdastyrdy» degen jeleýmen kópirip sóılegeni bolmasa jaýyzdyǵy joq Atambaevty taǵy qurban qylyp, túrmege toǵyta saldy. Qarsylastar bir-birin sóz bostandyǵy jolyndaǵy «kúresker» sanaıdy»,-dedi ol.

Qusaıynulynyń aıtýy boıynsha, qyrǵyz eli uzaq ýaqyt  boıy daǵdarystan shyǵa almaıdy.

«Kórshi qyrǵyzdar álsiz ekonomıkasyn taǵy turalatty. Buqarasy ıntellektisi joǵary saıasatkerler men menedjerlerge zárý. Eń qaýiptisi, sholaq saqaldylardyń dáýiri bastalǵan sııaqty. Kóterilisshilerdiń arasynda operatorymdy birneshe ret joǵaltyp, aıǵaılaı júrip aman qaıttym. Aıtpaǵym, bekerde synaı beretin bizdegi basqarý toby áldeqaıda mádenıetti, bilimdi, ozyq oıly eken»,-dep sózin qorytyndylady ol.

«Adyrna» ulttyq portaly

Pikirler