Qalalyq densaýlyq saqtaý basqarmasynyń málimetinshe, búgingi tańda Shymkentte Kavasakı aýrýy bar balalar tirkelgen joq. Aǵymdaǵy jyldyń 22 qyrkúıegindegi jaǵdaı boıynsha Shymkentte eki, alty jáne jeti jastaǵy balalarda mýltısıstemalyq qabyný sındromynyń 3 jaǵdaıy tirkeldi. Qazirgi ýaqytta olardyń ekeýi aýrýynan aıyǵyp úıine shyǵaryldy. Bir bala staıonarlyq em alýda.
Dárigerler onyń jaǵdaıyn turaqty, ortasha aýyr dep baǵalaıdy. Balalar men jasóspirimderde Covid-19-ben ýaqytsha baılanysty kóp júıeli qabyný sındromy keıbir klınıkalyq belgilerge sáıkes Kavasakı aýrýyna uqsas ekendigi atap ótildi.
Koronavırýstyq ınfekııany, onyń ishinde asımptomatıkalyq formany juqtyrǵan balalar men jasóspirimderdegi mýltısıstemalyq qabyný sındromy qyzba, aýyr aýrý jáne koronavırýstyq ınfekııanyń zerthanalyq jáne epıdemıologııalyq dálelderimen birge eki nemese odan da kóp músheler júıesiniń zaqymdalýymen sıpattalady.
Bul sındromnyń negizgi belgileri: qyzba, qaltyraý, 24 saǵat ishinde dene temperatýrasynyń 38 gradýsqa deıin kóterilýi, tynys alý organdarynyń zaqymdanýy (jótel), tynys alý jetkiliksizdigi, teriniń zaqymdanýy (bórtpe), shyryshty qabattar (konıýnktıvıt, sklerıt), lımfoadenopatııa, qol men aıaqtyń isinýi, asqazan-ishek aýrýynyń kórinisteri.
Shymkent qalalyq densaýlyq saqtaý basqarmasynyń buıryǵymen mýltıdısıplınarlyq top quryldy. Onyń quramyna gematolog, kardıolog, revmatolog, pýlmonolog, nevropatolog jáne reanımatolog sııaqty mamandar kirdi. Bilikti medıına qyzmetkerleriniń toby mýltısıstemalyq qabyný sındromyna kúdikti balalardyń emdeý-dıagnostıkalyq proesimen aınalysady.
Aıta ketý kerek, atalǵan dıagnozy bar balalar Densaýlyq saqtaý mınıstrliginiń bas mamandary men respýblıkalyq deńgeıdegi sarapshylar tobynyń, Almaty qalasynyń Pedıatrııa jáne balalar hırýrgııasy ǵylymı ortalyǵynyń kýratorlarynyń baqylaýynda.
