Qazaqstan, Tájikstan, Túrikmenstan jáne Ózbekstan respýblıkalary Prezıdentteriniń Qyrǵyz Respýblıkasyndaǵy oqıǵa týraly birlesken málimdeme jasady.
Baýyrlas Qyrǵyz Respýblıkasynda bolyp jatqan oqıǵalar bizdi qatty alańdatyp otyr.
Biz ǵasyrlar boıy ajyramas dostyq, tatý kórshilik baılanystary myǵym, mádenı jáne rýhanı qundylyqtary ortaq jaqyn kórshi elder retinde Qyrǵyzstan halqyn osy qıyn kúnderde parasattylyq tanytýǵa, eldegi beıbitshilik pen turaqtylyqty qaıta qalpyna keltirýge shaqyramyz.
Qyrǵyzstannyń barlyq saıası partııalary men qoǵamdyq uıymdary beıbitshilik pen tynyshtyqty qamtamasyz etý úshin qajetti kúsh-jigerin biriktirip, týyndaǵan máselelerdi Konstıtýııa men ulttyq zańnamany saqtaı otyryp sheshedi dep úmittenemiz.
Qyrǵyzstandaǵy tynyshtyq – óńirlik qaýipsizdik pen Ortalyq Azııadaǵy ornyqty damýdyń mańyzdy faktory.
Elderimizdiń ótken joly bir jáne bolashaǵy da ortaq. Ortalyq Azııa halyqtaryn keleshek urpaqtyń ıgiligi jolyndaǵy berik beıbitshilikke, kelisim men jasampazdyqqa umtylysy biriktiredi.
Memleketterimiz ortaq maqsatqa birige otyryp, saýda-ekonomıkalyq, ınvestıııalyq, kólik-kommýnıkaııalyq jáne mádenı-gýmanıtarlyq baılanystardy, shekaralyq jáne óńiraralyq is-qımyldardy kúsheıtý jónindegi aımaqtyq yntymaqtastyqty belsendi nyǵaıtýda.
Ortalyq Azııadaǵy yntymaqtastyqty odan ári jandandyrý maqsatynda biz Qyrǵyzstan halqynyń birlikke, beıbitshilikke, derbes damýǵa jáne órkendeýge degen umtylysyn únemi qoldaımyz.
"Adyrna" ulttyq portaly
