Qazaqstan Respýblıkasynyń Tuńǵysh Prezıdenti Nursultan Nazarbaev Qasym-Jomart Toqaevty ne sebepti memleket basshysyna usynǵanyn aıtyp berdi. Ol bul týraly «Abaı amanaty» maqalasynda jazdy, dep habarlaıdy «Adyrna» tilshisi.
Elbasy prezıdent retindegi ókilettigin óz erkimen toqtatý týraly sheshim qabyldamas buryn bolashaq el basqarar azamatqa qajet qaıratkerlik tájirıbe men taǵylym jaıyna asyqpaı, zer sala qaraǵanyn atap ótti.
«Qazaqstan táýelsizdiginiń alǵashqy kúnderinen bastap menimen birge jumys istegen Qasym-Jomart Toqaevtyń adal ári jaýapkershiligi joǵary azamat ekenin esepke almaǵanda, onyń eldegi ishki jaǵdaıdy saralap qana qoımaı, shyǵystyń da, batystyń da tilderin meńgergendigin, Birikken Ulttar Uıymy Bas hatshysynyń orynbasary qyzmetin atqarǵanyn, álemdik saıasattaǵy Qazaqstannyń ornyn baıyptaı alatyn dıplomattyq qyryn da eskerdim. Sondaı-aq, ózim aıryqsha mán berip kele jatqan el birligi máselesi men adamzattyq qundylyqtardy úılestirý qabiletine senim arttym»,-dedi Nursultan Ábishuly.
Eske sala keteıik, Qazaqstannyń tuńǵysh prezıdenti ókilettigin 2019 jyldyń 19 naýryzynda óz erkimen toqtatqan edi. Konstıtýııa boıynsha memleket basshysynyń mindeti senat tóraǵasy Qasym-Jomart Toqaevqa ótti. Ótken jyldyń maýsymynda Toqaev saılaýshylar daýsynyń 70,96 % ıelenip, QR 2-prezıdenti bolyp saılandy.
«Adyrna» ulttyq portaly
