Aqtóbe oblysynda qashyqtan oqyp jatqan oqýshylarǵa ýáde etilgen noýtbýkter men planshetter áli jetkizilmegen, dep habarlaıdy «Adyrna» ulttyq portaly «Astana TV» arnasyna silteme jasap.
Qyrkúıektiń onyna deıin ákelip, taratylýy tıis bolǵan tehnıkadan áli kúnge deıin habar joq. Amaly taýsylǵan bilim basqarmasy endi merdigerlerdi sotqa bermekshi. 19 myń noýtbýk, 3 myń kompıýter men planshetterge oblys bıýdjetinen 1 mlrd teńge bólingen. Odan bólek respýblıkalyq qazynadan shamamen 3 mlrd teńge berilipti. Qomaqty qarjyǵa úsh birdeı merdiger qajetti tehnıkany jetkizip berýdi moınyna alǵan.
«Kelisim-shart boıynsha 10 qyrkúıekte jetkizýli tıis tehnıkalar keshiktirilip jatyr. QR zańnamasyna sáıkes, biz merdigerlerdi sotqa beremiz. Olarǵa taýarlardy ýaqytynda jetkizbegeni úshin mindetti túrde aıyppul salynatyn bolady»,-dedi Aqtóbe oblysy bilim basqarma bastyǵynyń orynbasary.
«Adyrna» ulttyq portaly
