Shymkent qalasyndaǵy kórikti demalys aımaqtarynyń biri - A.Asqarov atyndaǵy dendrologııalyq saıabaq.
Saıabaq 5 tamyzdan bastap turǵyndarǵa qaıta esigin ashty. Karantın rejımin saqtaı otyryp tańǵy 9:00-den keshki 19.00-ge deıin jumys jasaýda. Munda bıyl 128 170 demalýshy kelgen.
Dendrosaıabaq — jergilikti mańyzy bar erekshe qorǵalatyn tabıǵı aýmaq. Salyq kodeksine sáıkes mundaı aýmaqtardy paıdalanǵany úshin tólem mólsheri 0,01 AEK bolyp belgilengen. Soǵan sáıkes saıabaqqa kirý quny — 27.78 teńge. Bul memleket menshigindegi ózge ortalyqtarmen salystyrǵanda eń arzan baǵa. Kelýshilerden túsken qarjy qala bıýdjetine quıylady.
Aıta ketý kerek, saıabaq aýmaǵyna tańǵy ýaqytta kiretin memlekettik qyzmetten zeınetke shyqqan azamattar men ardagerler úshin arnaıy 1 aılyq abonenttik karta qarastyrylǵan.
Sondaı-aq saıabaqqa ózińizdiń jeke skeıtbord nemese velosıpedińizben kelip serýendeýińizge bolady.
Saıabaqta kúndelikti sýarý, tazalyq, baýdy kútip-baptaý jumystary júrgizilip turady.
Shymkent qalasy ákiminiń baspasóz qyzmeti
