Shymkent qalalyq №1 klınıkalyq aýrýhanasynda eki naýqasqa búırek transplantaııasy jasaldy. Dárigerler qos ananyń búıregin naýqas balalaryna hırýrgııalyq jolmen salyp berdi.
Beıbit Sıdazımov 2 jyldan beri búırek jetispeýshiligi dertimen esepte turady. Naýqas buǵan deıin tósekke tańylyp, gemodıalız apparatyna qosylǵan. Búıreginde aqaýy bar 33 jastaǵy azamatqa týǵan anasy donor boldy. Dárigerler 1965 jylǵy azamatshanyń bir búıregin hırýrgııalyq jolmen alyp, týǵan ulyna sátti qondyrǵan.
Sonymen qatar, uzaq jyldardan beri aýrýdyń azabyn tartqan Túımebaı Asylbekke anasy Bıjanova Aqqyz bir búıregin berdi. Týystyq transplantalogııany dárigerler 10 qyrkúıek kúni jasaǵan. Eki saǵatqa sozylǵan búırek aýystyrý otasy sátti aıaqtaldy.
Aıta keteıik, Shymkent qalalyq klınıkalyq aýrýhanasynda transplantaııalyq qyzmet qarqyndy damyp keledi. Munda 2013 jyldan beri 160 búırek pen 21 baýyr almastyrý operaııasy jasaldy.
Aýrýhana materıaldyq-tehnıkalyq turǵydan tolyq jabdyqtalǵan. Munda aǵzadaǵy organdardy aýystyrý jaǵynan tájirıbesi mol mamandar jumys isteıdi. Aýrýhanadaǵy gemadıalız ortalyǵynda búırek almastyrý otasyn qajet etetin 400-ge jýyq naýqas esepte tur. Donor tabylǵan jaǵdaıda bilikti mamandar naýqastarǵa transplantaııa jasaýǵa daıyn.
Shymkent qalasy ákiminiń baspasóz qyzmeti
