Qazaqstan Syrtqy ister mınıstrliginiń burynǵy jaýapty hatshysy Anarbek Qarashevtiń isi boıynsha jańa derekter paıda boldy, - dep habarlaıdy «Adyrna» ulttyq portaly inbusiness.kz saıtyna silteme jasap.
Atameken Business telearnasynyń habarlaýynsha, Anarbek Qarashev ShYU, EýrAzEQ jáne Astanalyq proess dep atalatyn Sırııa kelissózderi sııaqty mańyzdy halyqaralyq is- sharalardy uıymdastyrý boıynsha qyzmet kórsetý sharttaryn jasaǵany úshin para alǵan.
Osy qyzmetterdiń barlyǵy úshin eks-jaýapty hatshy 52 mıllıon teńge para alǵan. Onyń 7 mıllıon 400 myń teńgesi Qarashev barǵan saýnalar men meıramhanalarǵa jumsalǵan. Sondaı-aq, sot barlyq iste Syrtqy ister mınıstrliginiń burynǵy qyzmetkerine taǵy 4 adamnyń kómekteskenin dáleldedi. Olar 2 jyldan 5 jylǵa deıin bas bostandyǵynan aıyryldy. Syrtqy ister mınıstrliginiń burynǵy jaýapty hatshysy Anarbek Qarashev pen Qazaqstannyń Ózbekstandaǵy elshisi Erik Ótembaev eki jylǵa bas bostandyǵynan aıyryldy.
Eske salaıyq, Anarbek Qarashevtiń úkimi 2020 jyldyń 21 qyrkúıeginde shyqqan. Bastapqyda Qarashevtiń áreketi elshilik ǵımaratynyń qurylysyna bólingen qarajatty jymqyrý retinde qarastyrylǵan bolatyn. Alaıda keıin sot olardyń áreketin bılikti teris paıdalanýǵa jatqyzdy.
Foto ashyq derekkózden alyndy.
