Shymkent: qala ákimi jergilikti kásipkerlermen kezdesti

232

Búgin «Rixos Khadisha Shymkent» qonaq úıinde Óńirlik kásipkerlik keńesi men Shymkent qalasy ákimdiginiń birlesken jıyny ótti. Alqaly jıynǵa qala ákimi M.Áıtenov, Kásipkerler palatasynyń dırektory N.Qabyshtaev jáne keńes músheleri qatysty.

Basqosýda karantın kezinde japa shekken kásipkerlerdiń máseleleri talqylanyp, atalǵan salany qaıta kórkeıtý jáne damytý jaıly aıtyldy. Jıynda sóz alǵan Shymkent qalasynyń ákimi Murat Áıtenov kezdesýdiń mańyzdylyǵyna toqtalyp, memleket tarapynan kórsetilip jatqan qoldaý sharalary týraly maǵlumat berdi.

Ákimniń aıtýynsha, qalada kásipkerlikti qoldaý men damytý maqsatynda birneshe memlekettik baǵdarlama iske asyrylýda. Atap aıtqanda, «Bıznestiń jol kartasy — 2025», «Qarapaıym zattar ekonomıkasy» jáne «Eńbek» baǵdarlamalary bar.

— «Bıznestiń jol kartasy-2025» baǵdarlamasy sheńberinde bank nesıeleriniń paıyzdyq mólsherlemesi sýbsıdııalanady jáne neseıeniń belgili bir bóligin memleket kepildendiredi. Oǵan qosa ınnovaııalyq jobalardy iske asyrýǵa memlekettik granttar qarastyrylǵan. Jalpy, 2020 jylǵa osy baǵdarlamany iske asyrýǵa bıýdjetten 4,5 mlrd. teńge bólingen. Al, «Qarapaıym zattar ekonomıkasy» baǵdarlamasy boıynsha kásipkerlerge syıaqy mólsherlemesin sýbsıdııalaý arqyly 6 paıyzben 10 jyl merzimge nesıe beriledi. Kásipkerdiń kepil múlki jetpegen jaǵdaıda memleket tarapynan 30 paıyzdan 50 paıyzǵa deıin kepil usynylady. Sonymen qatar «Eńbek» baǵdarlamasy aıasynda jylyna 6 paıyzdyq mólsherlememen 5 jylǵa 22 mln. teńgege deıin nesıe berý qarastyrylǵan. Sondaı-aq, áleýmettik turǵyda osal topqa jatatyn azamattarǵa ústemaqysy 4 paıyzdyq jeńildetilgen nesıeler beriledi, — dedi qala basshysy.

Bıznes ókilderin Shymkent pen respýblıkanyń ózge óńirlerinde ótkiziletin memlekettik satyp alý konkýrstaryna belsendi túrde qatysýǵa shaqyrǵan shahar basshysy ákimdiktiń karantın kezinde zardap shekken kásipkerler men jańa jobalardy júzege asyrǵysy keletinderge tıisti qoldaý kórsetetinin aıtty.

Sonymen qatar, jıynda Kásipkerler palatasynyń dırektory N.Qabyshtaev kásipkerlik máseleleri boıynsha Jobalyq keńse jumysynyń qorytyndysyn baıandap, Shymkentte áli básekelestik qalyptaspaǵan baǵyttardaǵy tyń jobalar jaıly áńgimeledi.

Shymkent qalasy ákiminiń baspasóz qyzmeti

Pikirler
Redakııa tańdaýy