Pandemiiaǧa bailanysty elımızde oqu jüiesı qaşyqtan oqytu formatynda jürıp jatyr.
Bügınde üşınşı megapolis sanalatyn Şymkent qalasynda jeŋıldetılgen karantin rejimıne säikes 1-4 synyp oquşylary mektep qabyrǧasynda bılım alyp jatyr.
49 640 bastauyş synyp oquşysy üşın ata-analardyŋ ötınışı negızınde 3 344 kezekşı top aşyldy. Iаǧni bılım aluşylardyŋ 22 prosentı mektepke baryp jatsa, qalǧan 78 prosentı qaşyqtan bılım aluda.
Barlyq mektepterde «Bilim Iand - Onlinemektep.org» internet platformasynda qaşyqtan oqytu ūiymdastyrylǧan. Sonymen qatar, barlyq mektepter QR BǦM tarapynan endırılgen «Kündelık.kz» elektrondy jurnaldar aqparattyq jüiesınde jūmys jürgızıp jatyr.
Balalar mektepke kırmes būryn kündelıktı dezinfeksiialyq ötkelden ötuı tiıs. Ärıqarai olardyŋ qyzuy ölşenıp, antiseptik qūralymen qoldaryn zalalsyzdandyrady. Sondai-aq, özımen bırge medisinalyq betperdesı joq oquşyǧa jaŋa maska berıledı.
Är kabinettegı bala sany 15-ten aspaidy. Özara 1,5 metr araqaşyqtyqta qoiylǧan är partada tek bır ǧana oquşy otyrady. Kezekşı synyptardaǧy sabaqtar är uaqytqa qoiylǧan. Üzılıs te ärtürlı uaqytta bolyp jatyr.
Şymkent qalasy äkımınıŋ baspasöz qyzmetı
