Bügın Şymkent qalasynyŋ äkımı Mūrat Äitenov M.Äuezov atyndaǧy Oŋtüstık Qazaqstan universitetınıŋ ūjymymen kezdestı.
M.Äuezov atyndaǧy Oŋtüstık Qazaqstan universitetı — damyǧan bılım beru jäne zertteu infraqūrylymy bar köp profildı joǧary oqu orny. Mūnda bakalavriatta — 135, magistraturada — 143 jäne doktoranturada 19 mamandyq boiynşa kadrlar äzırlenedı.
Universitet ūjymyna şaqyrtuy üşın alǧys aitqan qala äkımı qazır tereŋ logikalyq oilau qabıletıne ie, tyŋ ideialar ūsynyp, jaŋa tūrpatty tehnika men tehnologiia jasai alatyn, jahandanu jaǧdaiyndaǧy san qūbylǧan eŋbek naryǧynyŋ talaptaryna tez beiımdele bıletın käsıbi kadrlar daiarlaudyŋ qai kezdegıden de maŋyzdy ekenın atap öttı.
«Biyl Ūlttyq qoǧamdyq senım keŋesınıŋ üşınşı otyrysynda söz söilegen Prezident Qasym-Jomart Toqaev joǧary oqu oryndaryn akademiialyq ligalarǧa bölu jönındegı bastamaǧa qoldau bıldırdı. Bırınşı sanatqa ǧylymi zertteu jürgızu äleuetı joǧary, halyqaralyq deŋgeide bäsekege qabılettı jäne öŋır ekonomikasyna yqpal ete alatyn universitetter enedı. Sızderdıŋ ǧylymi innovasiialaryŋyz qaladaǧy äleumettık ortanyŋ tartymdylyǧyn arttyrady jäne öŋırdegı ömır sürudıŋ sapasyn jaqsartady. Bız Sızderdıŋ ekonomikanyŋ draiverıne ainalatyn käsıptık universitet retınde damu men jaŋa tehnologiialyq elitany qalyptastyruǧa baǧyttalǧan strategiialaryŋyzdy qoldaimyz. Sızderge şyǧarmaşylyq tabys tıleimın, — dedı Mūrat Düisenbekūly.
Kezdesu barysynda äkım Bollon prosesı jäne akademiialyq ūtqyrlyq ortalyǧynyŋ jūmysymen tanysty. Būl ortalyq serıktes universitettermen halyqaralyq bailanys ornatu, studentter men oqytuşylardy şet memleketterge oqu men bılıktılıgın arttyruǧa joldau jäne oqu baǧdarlamasyna Bollon prosesı qaǧidalaryn engızu maqsatynda qūrylǧan. 2019-2020 oqu jylynda syrtqy akademiialyq ūtqyrlyq baǧdarlamasyna 74 student, al, ışkı akademiialyq ūtqyrlyq baǧdarlamasyna 60 student qatysqan.
Şäkırtter damyǧan elderdıŋ üzdık universitetterıne joldanǧan. Atap aitqanda, olardyŋ qatarynda Germaniiadaǧy Hof qoldanbaly ǧylymdar universitetı, İspaniiadaǧy Kadisa, Polşadaǧy Lodzin, Oŋtüstık Koreiadaǧy Sangmiong jäne basqa da universitetter bar.
Ortalyqtyŋ direktory koronovirusty infeksiianyŋ taraluyna jol bermeu maqsatynda studentterdı akademiialyq ūtqyrlyq baǧdarlamasy boiynşa özge oqu oryndaryna jıberu toqtatylǧanyn aitty. Pandemiia bastalardan būryn ketken studentter de kerı şaqyrtylypty. Bügınde şet memleketterde universitettıŋ studentterı joq. Pandemiia aiaqtalǧanǧa deiın akademiialyq ūtqyrlyq baǧdarlamasy boiynşa oqytu onlain formatta jürgızıledı.
Mūnan keiın qala äkımı «Parasat» qūqyqtyq mädeniettı qalyptastyru ortalyǧynyŋ jūmysymen tanysty.
Universitettıŋ missiiasy sapaly, bäsekege qabılettı maman daiyndau. Ol üşın studentterge bılımımen qosa tärbie berıluı kerek. Sondyqtan «Parasat» ortalyǧy universitet qabyrǧasynda adaldyq, parasattylyq, jauapkerşılık, ızgılık siiaqty qasietterdı damytu maqsatynda jūmys ısteidı.
Sondai-aq, äkım «Ruhani jaŋǧyru» baǧdarlamasy aiasynda aşylǧan «Mūhtartanu» ǧylymi-zertteu ortalyǧynyŋ jäne «Smart Square» studentterge qyzmet körsetu ortalyǧynyŋ jūmysymen de tanysyp şyqty.
«SMART SQUARE» studentterge qyzmet körsetu ortalyǧy - būl M.Äuezov atyndaǧy Oŋtüstık Qazaqstan universitetınıŋ qyzmet körsetudıŋ aşyqtyǧy men qoljetımdılıgı üşın jaǧdai jasau, qyzmet körsetudıŋ joǧarǧy standarttaryn engızu, sybailas-jemqorlyq qauıpterınıŋ aldyn alu, bılım beru sapasyn arttyru jäne akademiialyq adaldyq qaǧidalaryn saqtaudy qamtamasyz etuge baǧyttalǧan servis ortalyǧy.
Sonymen qatar qala äkımı «Universitet ǧylymyn qala ekonomikasymen integrasiialau baǧyttary» ǧylymi jetıstıkter körmesın aralap, universitettıŋ ǧylymi-zertteu ortalyqtary men zerthanalarynyŋ jūmysymen tanysty.
Aita keteiık, bügınde M.Äuezov atyndaǧy Oŋtüstık Qazaqstan universitetınde 22 myŋnan astam student, 532 magistrant jäne 142 PhD doktorant bılım aluda.
Şymkent qalasy äkımınıŋ baspasöz qyzmetı
