Endi nesıeni úıde otyryp ala beresiz

425

Qazaqstan Ulttyq banki 1 qazannan bastap qarjylyq qyzmetterdi qashyqtan alý úshin bıometrııalyq sáıkestendirý servısin paıdalanady, dep habarlaıdy «Adyrna» ulttyq portaly  Stan.kz aqparat agenttigine silteme jasap. 

Bul servıs "bet-álpetti taný" tehnologııasy arqyly qarjylyq qyzmetti qashyqtan alý múmkindigin kózdeıdi. Iaǵnı qarjy uıymyna barýdyń qajeti joq.

Klıentterge bank shottary men depozıtterdi ashý, tólem kartochkalaryn shyǵarý, kredıtteý sııaqty qyzmet túrleri kórsetiledi.

"Qashyqtan bıometrııalyq sáıkestendirýdi engizý álemdegi kúrdeli epıdemıologııalyq jaǵdaıdyń aıasynda jańa qaýip-qaterlerge jaýap beredi. Servısti qarjy qoǵamdastyǵynyń paıdalanýy halyqqa qashyqtan kórsetý tásilimen usynylatyn qyzmetter tizimin keńeıtedi", - dedi QR Ulttyq banki tóraǵasynyń orynbasary Esjan Birtanov.

Atap ótilgendeı, atalmysh servıs bankterge, saqtandyrý kompanııalaryna, baǵaly qaǵazdar naryǵynyń kásibı qatysýshylaryna, tólem jáne mıkroqarjy uıymdaryna qoljetimdi.

"Servısti Ulttyq bank qarjy naryǵyna qatysýshylarmen birlesip ázirledi. Júıe aǵymdaǵy jylǵy sáýirde pılottyq rejımdi iske qosyldy. Osy ýaqyt ishinde servıs ekinshi deńgeıdegi 11 bankke halyqqa 2,8 mln bank qyzmetin kórsetýge múmkindik berdi. QR Ulttyq banki iske asyratyn qashyqtan sáıkestendirý tetigi Qazaqstannyń qarjy sektoryn ıfrlandyrý jolyndaǵy taǵy bir qadam bolyp tabylady. SDAO servısine qosylýǵa múddeli bolǵan jaǵdaıda, qarjy naryǵyna qatysýshylar +7-7272-50-66-26 telefony boıynsha QBEO-ǵa ótinish bere alady", - delingen Ulttyq bank aqparatynda.

Foto ashyq derekkózden alyndy.

Pikirler
Redakııa tańdaýy