Qazaqstanda qos azamattyǵy bar 284 adam anyqtaldy, dep habarlaıdy «Adyrna» ulttyq portaly QazAqparatqa silteme jasap. IIM Kóshi-qon qyzmeti memlekettik organdarmen birlesip, Qazaqstanda qos azamattyǵy úshin jaýaptylyqqa tartylǵan 284 burynǵy azamatty anyqtady.
«Azamattyǵynan aıyrylǵan adamdar bola tura, tártip buzýshylar Qazaqstan Respýblıkasyna kelý jáne turý úshin qazaqstandyq qujattardy paıdalandy. Olardyń birqatary shet memlekettiń azamattyǵyn qabyldaǵany týraly ýaqtyly habarlamaǵany úshin ákimshilik jaýapkershilikke tartyldy. Osy zań buzýshylyqtar úshin 266 adamǵa ( 277 800 teńgeden 555 myń teńgege deıin) aıyppul salynyp, 18 adam elden shyǵaryldy.
Jaza taǵaıyndaý týraly sheshimdi sot organy qabyldaıdy», delingen habarlamada. Halyqaralyq kelisimder qos azamattyqty boldyrmaý jónindegi jumysty jeńildetedi, óıtkeni ekinshi taraptyń azamattyǵyn alý týraly málimetterdi Qazaqstan qysqa merzimde alady.
«Sońǵy 2 jylda IIM-niń bastamasymen kóshi-qon salasynda 23 halyqaralyq kelisimge qol qoıyldy. Olardyń 5-ýi kóshi-qon salasyndaǵy yntymaqtastyqty retteıdi (Ázerbaıjanmen, Belarýspen, Qyrǵyzstanmen, Tájikstanmen, Ózbekstanmen), 15-i adamdardyń readmıssııasy máselelerin retteıdi (Belarýs, Majarstan, Germanııa, Qyrǵyzstan, Latvııa, Lıtva, Moldova, Norvegııa, Polsha, Reseı, Tájikstan, Ózbekstan, Chehııa, Shveıarııa jáne Benılıýks elderi) jáne 3-i azamattardyń Taraptar aýmaǵynda bolý tártibin aıqyndaıdy (Ázerbaıjan, Qyrǵyzstan, Tájikstan)», delingen habarlamada. Kelisimdermen zańsyz kóshi-qonǵa qarsy is-qımyl salasynda aqparat almasý tártibi retteldi, kóshi-qon zańnamasyn buzýshylardy basqa elderge berý týraly másele sheshildi. Sondaı-aq sheteldikterdiń Qazaqstanda bolý merzimderi retteldi. Vedomstvonyń málimetinge, qazir kóshi-qon salasyndaǵy taǵy 9 kelisim (Armenııa, Vetnam, Grýzııa, QHR, Moldova, Reseı, Túrkııa, Ýkraına, Franııa) kelisý men qaralý ústinde.
Foto ashyq derekkózden alyndy.
