Qazaqstandyq sport älemınde maŋyzdy oqiǧa oryn aldy – üş Qazaq kuresi ūiymdary bır assosiasiiaǧa bırıktırıldı, dep habarlady Qazaq kuresi assosiasiiasynyŋ baspasöz qyzmetı.
Būl transformasiia ūlttyq sporttyŋ Qazaqstanda jäne halyqaralyq arenada odan ärı damuyna quatty serpın berudı közdeidı.
Būǧan deiın Qazaq kuresi üş ūiymnan – älemdık, respublikalyq, halyqaralyq federasiialardan tūratyn. Būl ūlttyq bırınşılıktı tiımdı basqaru men damytu prosesın edäuır qiyndatty.
«Qaita qūru ūiym qyzmetın ortalyqtandyruǧa, apparatty ūstau şyǧyndaryn oŋtailandyruǧa, qarama-qaişylyqtar sebebın jäne ıs-ärekettıŋ bytyraŋqylyǧyn joiuǧa mümkındık beredı. Sonymen bırge halyqaralyq arenada jäne Qazaqstanda auqymdy mındetterdı bır ūiym şeŋberınde jüzege asyruǧa jaǧdai jasaidy», – dep tüsındırdı Qazaq kuresi assosiasiiasynyŋ bas direktory Abat İmambaev.
Qazaq kuresi assosiasiiasy Nūr-Sūltanda 2020 jyldyŋ aqpanynda qūryldy. Bügınde ol bıryŋǧai ortalyqtandyrylǧan ūiymǧa ainaldy. Qazaq kuresi assosiasiiasynyŋ prezidentı – Kärım Mäsımov.
Qazırdıŋ özınde qazaq küresın damytu jäne nasihattau boiynşa auqymdy jūmys jürgızılude. Ǧylymi-täjıribelık bazany nyǧaitu, bılım beru baǧdarlamalaryn ıske asyru, mamandardy qaita daiarlau jäne olardyŋ bılıktılıgın arttyru maqsatynda «Jekpe-jek» saraiy bazasynda Qazaq kuresi akademiiasy qūryldy. Ol tiıstı baǧdarlamalar äzırlep, kadrlardy qaita daiarlaidy jäne bılıktılıgın arttyrady, ǧylymi zertteuler jürgızıp, aimaqtyq jäne halyqaralyq taqyryptyq forumdar ötkızedı.
Ūlttyq sportty nasihattau balalar sportynyŋ damyp, būqaralyq sipat aluynsyz mümkın emes. Sondyqtan mektepterde qazaq küresın damytudyŋ arnaiy baǧdarlamasy jasalyp, jüzege asyryldy.
Qazır on elordalyq mektep bazasynda seksiialar aşyldy. Assosiasiianyŋ «Nazarbaev Ziiatkerlık mektepterı» DBBŪ-men bırlesken ıs-qimyl jospary jasaldy. Dene şynyqtyru mūǧalımderı oqu seminarlaryna qatysyp, balalar üşın chempion baluandarmen kezdesuler ūiymdastyrylady. Pandemiiany eskere otyryp, Qazaq kuresi boiynşa beine oqulyqtar daiyndaluda.
«Qazaq kuresi ūlttyq sportynyŋ strategiialyq jarnamasy men keŋınen taraluy Elbasy – Qazaqstannyŋ Tūŋǧyş Prezidentı N.Ä.Nazarbaevtyŋ« Ruhani jaǧyru» baǧdarlamasyna säikes keledı. Öitkenı jobanyŋ tüpkı maqsaty – qazaq halqynyŋ ūlttyq bıregeilıgın saqtau jäne nyǧaitu, qazaq küresın nasihattau arqyly halyqaralyq arenada Qazaqstannyŋ oŋ imidjın qalyptastyru», – deidı A.İmambaev.
Jaŋadan qūrylǧan Assosiasiianyŋ aldynda şeşudı qajet etetın kürdelı mındetter tūr: būl – ūlttyq mädeni mūra jäne ūlttyq bırınşılık retınde qazaq küresın damytu, damytu qyzmetın jan-jaqty aqparattyq qoldau, mektep jasyna deiıngı balalar, mektep oquşylary, TjKB, JOO studentterı, qūqyq qorǧau organdarynyŋ qyzmetkerlerı, arnaiy memlekettık organdar jäne äskeri kafedralar üşın Qazaq kuresi boiynşa bılım beru baǧdarlamalaryn engızu.
Taǧy bır basym baǧyt – balalar men jastar arasynda būqaralyq, käsıbi sportty, sondai-aq mümkındıgı şekteulı jandarǧa arnalǧan sport türlerın Qazaq kuresi (-surdo, -tiflo Qazaq kuresi) arqyly damytu, oqu-ädıstemelık jäne zertteu qyzmetın ūiymdastyru jäne jüzege asyru.
Tüpkı maqsat – Qazaq kuresi ūlttyq brendın qalyptastyru.
Ataqty baluan, qazaqtyŋ tūŋǧyş klassikalyq küresten Olimpiada chempiony Jaqsylyq Üşkempırov özınıŋ soŋǧy sūhbattarynyŋ bırınde şaşyraŋqy Qazaq kuresi federasiialaryn bırıguge şaqyrǧan bolatyn.
«Küres – tabandylyq, erık-jıger men sportşynyŋ ruhy körınetın ämbebap sport. Bükıl ömırımız de küresten tūrady. Bız ony baǧalauymyz, damytuymyz, nasihattauymyz kerek. Bölınbei, kerısınşe, bırıguımız kerek. Bızdıŋ küşımız bırlıkte! Men barlyq Qazaq kuresi federasiialaryn bırıktıru ideiasyn qoldaimyn», – degen bolatyn batyr Üşkempırov.
Qazırgı uaqytta Qazaqstanda qazaq küresımen 120 myŋnan astam adam ainalysady. Bıryŋǧai Qazaq Kuresi sssosiasiiasynyŋ qūryluymen, nasihattaudyŋ jüielı täsılımen, osy sporttaǧy paluandar sany aitarlyqtai ösetını anyq.
Foto mūraǧattan alyndy
