Qazaqstanda 39 baladan Kavasakı sındromy anyqtaldy

2171
Adyrna.kz Telegram

Naýryz aıynan beri respýblıkada 2,5 myń bala COVID-19-ben aýyrǵan.

Qazirgi ýaqytta 39 baladan Kavasakıge uqsas sındrom anyqtaldy. Olardyń 60%-i saýyǵyp shyqty, 40%-i emdelip jatyr.

Bul týraly «Pedıatrııa jáne balalar hırýrgııasy ǵylymı ortalyǵy» AQ basqarma tóraǵasy Rıza Boranbaeva aıtty-dep habarlaıdy "Adyrna" 24.kz -ke silteme jasap.

Sındromnyń klınıkalyq belgileri – dene qyzýynyń 38 gradýstan joǵary kóterilýi, ol 24 saǵatqa nemese odan da kóp ýaqytqa sozylýy múmkin. Sondaı-aq denede bórtpeler paıda bolady, ishtiń aýyrýy, dıareıa, tynys alý júıesiniń zaqymdanýy, jótel, tynys jetispeýshiligi, entigý, júrek aýyrýy, konıýnktıvıt, alaqan men tabannyń isinýi.

Maman mundaı kezde balany úıden emdeýge tyryspaı, dárigerdiń kómegine júginý kerek ekenin eskertti. Óıtkeni sındrom aýyr ótedi, keıde tipti qarqyndy reanımaııalyq kómekti qajet etýi múmkin.

«Naǵyz kavasakı aýrýynan aıyrmashylyǵy – bul sındrom barlyq jastaǵy balalarǵa, sonyń ishinde jasóspirimderge, 21 jasqa deıingi jastarǵa da áser etedi», - dedi.

"Adyrna"ulttyq portaly

Pikirler