Ýkraına prezıdenti Vladımır Zelenskıı Harkov mańynda An-26 áskerı ushaǵynyń apatqa ushyraýyna baılanysty 26 qyrkúıekti qaraly kún dep jarııalady, dep habarlady «Adyrna» ulttyq portaly iz.ru-ǵa silteme jasap.
Qazirgi tańda eldegi barlyq ákimshilik ǵımaratta memlekettik tý tómen túsirilip, saltanatty is-sharalar, teleefırden oıyn-saýyq baǵdarlamalar toqtatyldy.
«Ýkraına 24» telearnasy habarlaǵandaı, memleket basshysy apat oryn alǵan Harkov oblysyna keldi.
«Keshe biz jas kýrsanttar men tájirıbeli áskerı adamdardan aıryldyq. Bul joǵaltýdyń aýyrtpalyǵyn bildiretin sóz tabý qıyn. Qaza tapqan jaýyngerlerdiń ata-analaryn, áıelderin jáne balalaryn jubatýǵa sóz tabý qıyn. Búkil el búgin olardyń otbasylarymen birge qaıǵyrýda », - dedi Zelenskıı.
Esterińizge sala keteıik, juma kúni Harkov oblysynda An-26 áskerı ushaǵy qulap, 25 adam kóz jumǵan bolatyn. Aldyn ala málimet boıynsha, apattan az ýaqyt buryn ushaqtyń bir qozǵaltqyshy isten shyqqan.
«Adyrna» ulttyq portaly
