Álemniń kóp elinde koronavırýs kúsh alyp, dabyl qaǵyla bastady. Ásirese indet Eýropa elderinde órshı túsken. Aldaǵy aptalarda Madrıd qalasy qıyn kezeńdi bastan ótkerýi múmkin. Densaýlyq saqtaý mınıstri Salvador Illa osylaı dep málimdedi, dep habarlaıdy "Adyrna" ulttyq portaly 24.kz. agenttigine silteme jasap.
Elde vırýsty juqtyrǵandar sany 700 myńnan asqan. Naýqastardyń basym bóligi Madrıd qalasynda tirkelýde. Dertten kóz jumǵandar sany mamyrdaǵy kórsetkishke jetken. Ótken aptada qalanyń keı aýdanynda shekteýler engizilgen. Biraq keı turǵyndar jergilikti bıliktiń bul áreketine narazy.
Polonıa Garsııa, jergilikti turǵyn: - Qaladaǵy keı aýdandarda indettiń taralýy artsa ol adamdardyń emes bıliktiń salǵyrttyǵy. Úkimet vırýs barysyn baqylaýda ustaýy kerek edi ǵoı. Mysaly, qoǵamdyq kólikter men ózge de oryndarda sanıtarlyq talaptar jetkilikti dárejede qolǵa alynǵan joq.
Reseı astanasynda da jaǵdaı nasharlaǵan. Sońǵy aptada aýrýhanaǵa koronavırýspen túsken naýqastardyń sany 30 paıyzǵa ósken. Qala meri Sergeı Sobıanın óte alańdatarlyq jaǵdaı qalyptasqanyn málimdep, 5 myńnan astam kompanııany qashyqtan jumys isteýge kóshýge shaqyrdy.
Sergeı Sobıanın, Máskeý meri: - Bizde qazir dertti juqtyrǵandar sany ósip keledi. Bul bir jaǵynan dertke qarsy testti kóptep júrgizýge baılanysty bolyp otyr. Ekinshi jaǵynanan tumaý jáne ózge de tynys alý ınfekııalarymen baılanysty. Sońǵy aptada mundaı aýrýǵa shaldyqqandardyń sany 3 ese artqan.
Al Ýkraınada indettiń ekinshi tolqyny bastalǵan sııaqty. Bul týraly osy eldiń prezıdenti Vladımır Zelenskıı málimdedi. Sońǵy ýaqytta elde kún saıyn 3 myńnan astam dertti juqtyrý deregi tirkelýde. Naýqastardyń jalpy sany 190 myńnan asqan. Indettiń taralýyna tosqaýyl qoıý úshin sheteldikterdiń elge kirýi shektelgen.
Vladımır Zelenskıı, Ýkraına Prezıdenti: - Sońǵy ýaqytta kún saıyn 3 myń adam dertti juqtyryp alyp jatyr. Indettiń ekinshi tolqyny osy shyǵar. Sondyqtan jergilikti turǵyndar men ózge elderdiń azamattarynyń ómirine qaýip tóndirmes úshin shekarany japtyq. Jaǵdaı turaqtalǵan soń qaıta ashylady.
Al Eýroodaq basshylyǵy indettiń kúsheıýine baılanysty shuǵyl sharalarǵa daıyn bolýǵa shaqyrdy. Áıtpese kóktemdegi jaǵdaı qaıtalanady dep otyr. Sońǵy málimetke qaraǵanda Ulybrıtanııa men Franııada vırýsty juqtyrǵandar sany kúrt ósken.
Stella Kırıakıdıs, Eýroodaqtyń Densaýlyq saqtaý salasy boıynsha komıssary: - Indettiń kúsheıýine baılanysty adamdar betperde taǵyp, áleýmettik qashyqtyqty saqtaýy tıis. Al eger aýrýdyń alǵashqy nyshandary baıqalsa úıde oqshaýlanyp em dom qabyldaǵan jón. Qazir kóktemdegi jaǵdaıdy boldyrmaýǵa bar kúshimizdi salýymyz qajet.
