Atyrau oblysy, Jylyoi audanynyŋ halqynan maza kettı. Köktemnen berı sozylǧan karantin jūrttyŋ künkörısın tūralatyp, äbden qiyndatqan. Osyǧan bailanysty audan halqy Facebook-taǧy «Aitarym bar» tobynda äkım Halel JAMALOVQA ündeu tastap, mäselenı şeşıp berudı sūrady.
Karantinge bailanysty «Teŋız» mūnai- gaz öndıru ken ornynda säuır aiynan berı jūmys toqtady. Säuır, mamyr, mausym ailarynda keibır mekemeler jūmysşylaryna jalaqy tölegen. Al soŋǧy üş aidan berı būl audannyŋ jūmysşylar ne ailyq joq, ne jūmys joq daǧdaryp otyrǧan jaiy bar. Osyǧan bailanysty «Aitarym bar» tobynda ündeu tastaǧan Sarman MÄLIKTIŊ jazuynşa, «Teŋızde» jūmys ısteu - tübınde ömır sürıp jatqan eldımeken tūrǧyndaryna būiyra bermeitın körınedı.
«Halyq qaşanǧy jūmyssyz jüre bermek. Qai topty oqysaŋ da, jergılıktılerdı almaidy «Teŋızge», basqa jaqtardan kelıp jūmys ıstep jatqandar dep küiınıp aityp otyrǧandar bar. Rasynda, nege jergılıktıler öz jerımızde öz «Teŋızımızge» jūmysqa kıre almaimyz, nelıkten?
Basqa jaqtaǧylar qalai jūmysqa kırıp jatyr, būl jerde jemqorlyq oryn alyp tūrǧan syŋaily emes pe, degen oi keledı.
Jūmyssyz jergılıktılerdıŋ beretın aqşalary joq, sondyqtan jūmysqa şaqyrmai ma? Būl qalai bolǧany, maŋdaiymyz tırelıp tūrǧan «Teŋızge» nege jūmysqa bara almaimyz?
Men audan əkımdıgınıŋ qabyldauyna kırgenımde de, osy məselenı qozǧaǧan bolatynmyn.
«Şeşıledı, jergılıktılerdı ornalastyratyn bolamyz» degen qūr uədelerıŋızdı halyqty aldarqatqandai nege aittyŋyzdar!
Audan basşysynyŋ osyndai keleŋsızdıktı joiuyna ne kedergı keltırıp tūr?
Qaşanǧy kütuge bolady?» - dep jazady Sarman Mälık.
Mūnai-gaz öndıretın «Teŋız» ken ornyna sol aimaqta tūratyn azamattardy jūmysqa almaudyŋ astarynda ne jatyr? Alyp ken ornynyŋ tübınde tūratyn halyq joq-jıtıkten zardap şegıp jatqanda, osy audannyŋ äkımı ne sebepten būl mäselenı şeşuge at salyspaidy?
«Jūmys kerek, otbasymyzdyŋ künkörısı naşarlady» dep şyryldaǧan Jylyoi audany halqynyŋ janaiqaiyn estır qūlaq tabylyp, kömek qoly sozyla ma? Audan halqynyŋ äkım Jamalov Halel myrzadan sūraityny - «Teŋızdegı» jūmysyna azamattar qaita oralsa jäne «Teŋızdegı» jūmysqa eŋ aldymen osy jerdegı azamattar alynsa degen ötınış. Jergılıktı bilık ökılderı halqynyŋ sūrauy men ündeuın nazardan tys qaldyrmaidy dep senemız.
Mūhit ŞOQAN,
«Adyrna» ūlttyq portaly.
Foto aşyq derekközden alyndy
