Germanııanyń Charite aýrýhanasynda emdelip jatqan Reseı oppozııoneri A. Navalnyı keshe Instagram paraqshasynda óziniń saýyǵyp kele jatqanyn jáne júre alatynyn habarlady.
«Endi men baspaldaqpen aıaǵy dirildep kóteriletin jigitpin, esesine ol: «Oı, bul baspaldaq qoı! Onymen joǵary kóterilý kerek. Múmkin lıft izdeýimiz kerek shyǵar», - dep oılaıdy. Al men buǵan deıin qur qarap turatynmyn» , - dep jazdy ol Instagram-da.
Oppozııonerdiń aıtýynsha, bastapqy kúnderi ol eshnárseni esine túsire almaı qınalǵan: "Kún saıyn tańerteń dáriger maǵan kelip: "Alekseı, men taqta ákeldim, qanekı, oǵan qandaı sóz jazý kerektigin oılap tabaıyq. Men úmitsizdene bastadym, óıtkeni men dárigerdiń ne qalaıtynyn túsingenmen, sózderdi qaıdan alý kerektigin túsinbedim", - dep qosty ol.
Navalnyı áli de em-dom alyp jatqanyn aıtyp, óziniń jaǵdaıyn baıandap berdi: "Alda kóptegen máselelerdi sheshý kerek. Biraq Berlın ýnıversıtetiniń Sharıte klınıkasynyń keremet dárigerleri basty máseleni sheship berdi. Olar meni "tehnıkalyq turǵydan tiri adamnan" qaıtadan qazirgi qoǵamnyń eń joǵary nysany bolýǵa barlyq múmkindigi bar adamǵa – ınstagramdy tez sholyp shyǵa alatyn jáne qaı jerge laık qoıýǵa bolatynyn biletin adamǵa aınaldyrdy".
Esterińizge sala ketsek, A. Navalnyı 20 tamyz kúni Tomsk qalasynan Máskeýge ushar sátinde ózin nashar sezine bastaǵan. Ushaq Omby áýejaıyna shuǵyl jaǵdaıda qonyp, Navalnyı aýrýhananyń reanımaııa bólimine jatqyzylǵan. 22 tamyzda Germanııadaǵy Charite klınıkasyna jetkizilgen.
2 qyrkúıek kúni Germanııa bıligi Býndesver zerthanasyna silteme jasaı otyryp, Navalnyıdyń organızminen «Novıchok» tobyndaǵy ýdyń tabylǵanyn málimdegen bolatyn. Bul ý alǵash ret 2018 jyly naýryz aıynda Ulybrıtanııada Barlaý basqarmasynyń eks-qyzmetkeri Sergeı Skrıpal men onyń qyzy Iýlııa ýlanǵannan keıin belgili bolǵan-dy Skrıpkaldarǵa qatysty Ulybrıtanııa bıligi Reseıdi aıyptaǵan. Biraq Máskeý bul aıypty moıyndamaǵan.
Charite klınıkasy 7 qyrkúıekten bastap A. Navalnyı komadan shyǵyp, jaǵdaıy jaqsara bastaǵanyn habarlaǵan.
Foto ashyq derekkózden alyndy
«Adyrna» ulttyq portaly
