Soltüstık Qazaqstan oblysynyŋ 7 audanynda qūs tūmauynyŋ oşaqtary tabyldy, - dep habarlaidy Adyrna.kz saity Auyl şaruaşylyǧy ministrlıgıne sılteme jasap.
Ministrlık mälımetınşe, SQO-da joǧary patogendı qūs tūmauynyŋ taraluyna jol bermeu maqsatynda keşendı şaralar qabyldanyp jatyr: vaksinalar alyndy, ındet tırkelgen aumaqtar zalalsyzdandyryluda, qūstardyŋ ölekselerı joiyluda, qūs şaruaşylyǧy önımderın tasymaldauǧa tyiym salyndy.
"Soltüstık Qazaqstan oblysynyŋ jetı audanynda (Timiriazev, Taiynşa, Jambyl, Qyzyljar, Şal aqyn, Ǧ.Müsırepov, M.Jūmabaev) aǧymdaǧy jyldyŋ 9-16 qyrküiek aralyǧynda ärtürlı üi qūstarynyŋ ölımı tırkeldı.
Ūlttyq anyqtamalyq ortalyq qanattylardyŋ qyryluynyŋ sebebı joǧary patogendı qūs tūmauy ekenın anyqtady. Qabyldanǧan erejelerge säikes, Qazaqstan Respublikasy Düniejüzılık januarlar densaulyǧyn saqtau ūiymyna aurudyŋ örşuı turaly habarlady", - delıngen habarlamada.
"Asa qauıptı aurudy joiu üşın QR AŞM veterinariialyq baqylau jäne qadaǧalau komitetınıŋ Respublikalyq epizootiiaǧa qarsy otriady jäne Soltüstık Qazaqstan aumaqtyq inspeksiiasy qazırgı uaqytta mındettı ıs-şaralar keşenın, onyŋ ışınde qūstardyŋ ölekselerın joiu, üi-jailar men aula aumaqtardy dezinfeksiialau jūmystaryn jürgızude. Resei Federasiiasymen şekaralas aumaqtarda januarlardy vaksinasiialau üşın joǧary patogendı qūs tūmauyna qarsy 873 myŋ otandyq preparat bölındı", - deidı ministrlıktegıler.
Ministrlık mälımetınşe, öŋırdıŋ epizootiialyq jaǧdaiy Auyl şaruaşylyǧy ministrlıgınıŋ baqylauynda.
"Adyrna" ūlttyq portaly
Ūqsas jaŋalyqtar
