Shymkent qalasynda erekshe mańyzdy dep tanylatyn bilim salasy tolyǵymen avtomattandyrylǵan. Balabaqshaǵa kezekke qoıýdan bastap tehnıkalyq jáne kásiptik bilim berý salasyna deıingi qyzmet kórsetý túrleri elektrondy júıege kóshken.
Solardyń biri - qosymsha bilim berý uıymdarynda engizilgen «MINDAL qosymsha bilim berý» platformasy óz tıimdiligin kórsetip otyr.
Bul jóninde búgin Shymkent qalasynyń ákimi Murat Áıtenov "Shymkent - adaldyq alańy" jobasy ANTIKOR LIVE tikeleı efırinde aıtty.
««MINDAL qosymsha bilim berý» platformasy arqyly ata-analar balalaryn án-bı, kórkem-sýret sekildi túrli qosymsha úıirmelerge jazý úshin ótinim bere alady. Osyǵan deıin bul qyzmet 5 jumys kúniniń ishinde qaralyp kelgen. Al qazir 30 mınýttyń kóleminde úıirmege qabyldanýǵa múmkindigi bar», - dedi Murat Áıtenov.
Aıta keteıik, atalǵan platforma arqyly byltyr 142 ótinim berilgen, bıyl 633 ótinish kelip túsken.
Shymkent qalasy ákiminiń baspasóz qyzmeti
