Qaıta jańartylaǵan Almaty botanıkalyq baǵyna úsh aıdyń ishinde 210 myńnan astam adam kelip, memlekettik bıýdjetke shamamen 40 mln teńge kiris ákeldi, dep habarlaıdy QazAqparat tilshisi.
210 myń kelýshiniń - 44 myńy mektep oqýshysy, 15 myńy stýdentter men zeınetkerler, qalǵandary qala turǵyndary men qonaqtary. Jazda botanıkalyq baqqa kún saıyn orta eseppen 2,5 myń adam keledi. «Qazir kúzde kelýshilerdiń sany azaıdy. Desek te, bizge jumys kúnderi 1000-1500 adam, al demalys kúnderi 5000 adamǵa deıin keledi», - deıdi Botanıka jáne fıtoıntrodýkııa ınstıtýtynyń bas dırektory Gúlnar Sıtpaeva.
Sonymen qatar, Gúlnar Sıtpaeva tarıfti kóterý máselesi qarastyrylyp jatqanyn aıtty. «Qazir kirý bıleti 500 teńgeni quraıdy. Onyń ishinde biz 277, 80 teńgeni memleket kirisine aýdaramyz. Bul 0,1 AEK quraıdy. Biz ár bıletten 0,1 AEK memleket kirisine aýdarýǵa mindettimiz. Búgingi kúnge deıin memlekettik bıýdjetke 40 mln tústi. Nátıjesinde bizde az ǵana soma qalady. Biz tarıfterdi kóterý máselesin qarastyryp jatyrmyz. Bul qalypty tájirıbe. Iaǵnı, eresek adamnyń bıleti 900 teńge, balalar men zeınetkerler úshin 500 teńge bolady. Al, múmkindigi shekteýli adamdar úshin tegin. Qazir bul másele talqylanyp jatyr. Meniń oıymsha, bul kelesi jyly júzege asyrylady», - dep túsindirdi ol.
Eske sala ketsek, Botanıkalyq baqtyń qalaı ózgergeni týraly buǵan deıin jazǵan bolatynbyz.
Bıyl Memleket basshysy Qasym-Jomart Toqaev Almatyǵa saparynda Botanıkalyq baqty qaıta qurýdyń nátıjelerimen tanysqan bolatyn.
