Shymkent – týrıster úshin tartymdy qala. Qalada týrıster úshin birneshe aqparattyq kıoskiler ornatylyp, jumysyn bastaǵan edi. Mamyr aıynda Arbat, Abaı saıabaǵy, Jaılaýkól, Táýelsizdik jáne Ortalyq saıabaqtarda, sonymen qatar Temirjol vokzaly men áýejaılarda arnaıy keńes berý ortalyqtar ashylǵan bolatyn.
Búginde 7 kıoskide úsh tildi meńgergen, tájirıbeli mamandar jumys isteıdi. Qalaǵa kelgen týrıster saıabaq mańyndaǵy kıoskilerden qalanyń týrıstik kartasymen tanysyp, qandaı erekshe, tańdaýly jerler bar ekenin bile alady. Sondaı-aq, keńes berýshi mamandar shetelden kelgen qonaqtarǵa aqysyz gıd qyzmetin kórsetýde.
Karantındik rejım kezinde onlaın formatta qyzmet kórsetken mamandar búginde sársenbi-jeksenbi kúnderi tańǵy 9:00-den 19:00-ge deıin jumys isteıdi. Qazirgi tańda kıoskilerden keńes alýshy týrıster aqparattyń paıdaly bolǵanyn aıtyp, óz rızashylyqtaryn bildirýde.
Jalpy statıstıkalyq málimetter boıynsha, búginge deıin týrızm basqarmasynyń aqparattyq kıoskilerine 1200-den asa qazaqstandyq jáne sheteldik týrıster qyzyǵýshylyq tanytyp, keńes alǵan.
Shymkent qalasynyń Aqparattyq-kommýnıkaııalyq ortalyǵy
