12 kyrkúıek kúni Jambyl atyndaǵy jasóspirimder kitaphanasynda qarjyger-meenat, halyq janashyry, Almaty qalasy máslıhatynyń depýtaty Erbolat Bolatulynyń «Qazaqstan jáne men» atty kitabynyń tusaýkeser rásimi ótti. Kitap kásipkerdiń júrip ótken jolyna úńilý, esep berý maqsatynda ózine ystyq, ózgege oı salar sáttermen, sózdermen fotoalbom retinde shyǵarylǵan. Qarjysynyń bir bóligin halyq densaýlyǵyna, áleýmettik damýyna salyp júrgen kásipkerdiń atqarǵan jumystary da, fotoalbomy da qurmetpen qararlyqtaı. Endeshe kitaptyń el úshin, halyq úshin mańyzdylyǵyn depýtattyń ózinen jáne prezentaııaǵa kelgen azamattardyń pikiri arqyly bileıik.
Erbolat BOLATULY, kásipker, Almaty qalasy máslıhatynyń depýtaty: 2010 jyly bir aýrýhanaǵa barǵan edim. Qarasam, aýrýhanadaǵy tehnıkalyq qural-jabdyqtardyń basym bóligi shet elden kelgen eken. Soǵan qarap, óz elimizge paıdamyzdy tıgizý maqsatynda qoǵamdyq qor ashtyq. Asha salysymen sol aýrýhananyń reanımaııalyq bólimshesiniń edenin Germanııadan ákelip jasadyq. Qor retinde halyqqa tıgizgen paıdamyzdyń alǵashqysy osy boldy. Keıinnen kitaphana, ǵımarattar, qalanyń kórkeıýine baılanysty is-sharalardy da abyroımen atqaryp shyqtyq. Halyq dán rıza dep oılaımyn. Taıaýda ǵana Almaty qalasyndaǵy meshitke kólik tartý ettik. Mine, osylaı, jaqsy isterdiń júzege asýyna muryndyq bolyp júrmiz. Al kitabymdy «Qazaqstan jáne men» dep ataýymnyń sebebi de beker emes. Qazaqstannyń ósip-órkendeýine qandaı paıdam tıdi degen suraqqa jaýap bergim keldi. 2017 jyly osy taqyryppen kitap shyǵaramyn dep ózime aıtqan edim. Sonyń sáti bıyl tústi. Qaıyrymdylyqpen aınalysyp júrgenime 15 jyldaı boldy. Degenmen bıyl karantın jumysqa azdap kedergi keltirdi. Bir ókinishtisi, dál osyndaı sátte kómek suraǵandar sany eki eselep artty. Naýryz aıynan tamyzǵa deıin 200-den astam otbasyǵa óz qaltamnan kómek qolyn sozdym. Adamdardyń jaqsy ómir súrýi úshin, jaǵdaılary qalypqa kelý úshin, qazaǵymnyń áleýmettik jaǵdaıy kóterilýi úshin áli de eńbek etetin bolamyn.
"Erbolat Bolatuly-halyqtyń sanasyna sáýle quıdy"
Murathan ShOQAN, aqyn, Jazýshylar odaǵynyń múshesi: Bir soqyr adamdy joldan jetektep ótkizseńiz saýap bolady. Al túrli saýaldarǵa jaýap tappaı júrgen adamnyń sanasyna sáýle túsirseńiz, soqyr adamdy jetektep ótkizgennen de artyq. Shyny kerek, Erbolat Bolatulynyń kitaphanaǵa, halyqqa jasaǵan qamqorlyǵy sanaǵa sáýle quıǵan adamnyń isi. Aýlany abattandyrý, qoǵamdyq ǵımarattardy jaryqtandyrý, qarııalarǵa qaraılasý, jastardy demep jiberý, qala turǵyndaryna kómektesý ekiniń biriniń qolynan kelmesi anyq. Jaqsynyń jaqsylyǵyn aıtý kerek. Erbolat Bolatulynyń eńbegi – ushan teńiz.
"Jambyl kitaphanasynyń modernızaııalanýyna 140 000 000 teńgeni óz qaltasynan shyǵardy"
Ǵazıza QUDAIBERGEN, Jambyl atyndaǵy jasóspirimder kitaphanasynyń basshysy: Mádenıet basqarmasy kitaphanalardy modernızaııalaý týraly joba jasady. Reseıden dızaınerler shaqyrtyryldy. Sol kezde birqatar shyǵarmashylyq top «osy isti nege ózimiz jasamaımyz?» dep bas kótermek boldy. Erbolat Bolatuly buryndary túrli qaıyrymdylyq is-sharalaryn qolǵa alyp júrgen azamat eken. Almaty qalasy ákimdigi Erbolat Bolatulyn taýyp, 5 kitaphanany aralap, ishinen Jambyl kitaphanasyn modernızaııalaý týraly sheshimge keldi. 2017 jyly jóndeý jumystary bastaldy. Erbolat Bolatuly 140 000 000 teńge óz qarjysyn kitaphanaǵa quıyp, búkil jumystyń basy-qasynda júrdi. Kitaphana bıýdjettik mekeme bolǵandyqtan áli kúnge deıin jaǵdaıymyzdy bilip, jetpeıtinderimizdi túgendep berip otyrady.
"Ár adam osylaı esep berýi tıis"
Temirhan TEBEGEN, fılologııa ǵylymynyń doktory, professor : Árkimdi ósiretin, adam etetin kitaphana deıdi ǵoı. Meni ósirgen aýylymdaǵy kitaphana edi. Keıin Qyzylorda qalasyndaǵy, odan keıin Almatydaǵy kitaphana rýhanı azyq alýyma sebepshi boldy. Kandıdattyqty da, doktorlyqty da kitaphanada otyryp qorǵadyq. Sondyqtan kitaphana degen kezde eleńdep turamyn. Kezinde «Adamdy adam etken-eńbek» degendi jıi oqýshy edik. Al «Qazaqstan jáne men» kitabynda «Adamdy adam etken-kitap, adamzat etken-kitaphana» dep óte oryndy jazylǵan. Osy kúnge deıin atqarǵan jumysyńdy, ǵylymı zertteýlerińdi osylaı kitap etip shyǵarý, halyqqa tanystyrý óte tıimdi joly eken. Erbolat Bolatulynyń kitabyna qarap qyzyǵyp otyrmyn. «Qazaqstan jáne men» kitabynda barlyǵy bar. Bul kisiniń jastarǵa, qarttarǵa qamqorlyǵy, sporttyq mekemeler men densaýlyq saqtaý oryndaryna demeýshiligi úlgi tutarlyq is. Sońǵy 10 jyldyqta halyqqa da, ózine de «ne istep, ne qoıdym» degen oımen shyǵarylǵan kitap sekildi. Rasynda da ár adam ózine osylaı esep berip otyrýy kerek qoı. Erbolat Bolatuly sekildi halyq janashyrlary kóp bolsyn!
Aqgúl AIDARBEKOVA,
«Adyrna» ulttyq portaly
