Memleket basşysy Qasym-Jomart Toqaev Jambyl oblysynyŋ äkımı Berdıbek Saparbaevty qabyldady. Būl turaly "Adyrna" tılşısı Aqordaǧa sılteme jasap habarlaidy.
Memleket basşysyna öŋırdıŋ äleumettık-ekonomikalyq damuy, sonymen qatar, Prezidenttıŋ Qazaqstan halqyna Joldauynda qoiylǧan mındetterdı jüzege asyru jospary tanystyryldy.
Kezdesude tūrǧyndardy jūmyspen qamtu mäselelerıne basa nazar audaryldy. Aimaqta jaŋadan 26,7 jūmys orny aşylǧan. Daǧdarysqa qarsy ıs-şaralar men memlekettık jäne aimaqtyq ärtürlı baǧdarlamalar aiasynda 1370 jobany ıske asyruǧa 142 milliard teŋge baǧyttaldy. Osy jobalardy jüzege asyru arqyly oblys tūrǧyndaryn taza auyz sumen qamtamasyz etu ülesı 72%-dan 77,1% -ǧa, gazben qamtu 74,2%-dan 85,9%-ǧa artady.
Qasym-Jomart Toqaevqa Qordai audanyndaǧy ahual turaly da baiandaldy. Oblys äkımı Berdıbek Saparbaevtyŋ aituynşa, qazırgı uaqytta jaǧdai tūraqty. Biyl audanda tūrǧyn üi jäne jol qūrylysy, bılım beru, medisina, mädeniet jäne sport salasynda jalpy somasy 31,7 milliard teŋgege 336 joba ıske asyrylǧan.
Tūrǧyn üiler men kommersiialyq nysandardy qaita qalpyna keltıru mäselelerı qataŋ baqylauda. Qaiyrymdylyq qorlarymen 311 million teŋge jinalyp, 41 tūrǧyn jäne 13 kommersiialyq nysan qalpyna keltırılgen. Sonymen qatar qatty zardap şekpegen 103 nysanǧa jöndeu jūmystary ötkızılgen.
Prezidenttıŋ tapsyrmasyna säikes, koronavirustyŋ boluy yqtimal ekınşı tolqynyna daiyndyq jūmystary jürıp jatyr. Auruhanalardaǧy tösek-oryn kölemı 2530 orynǧa artqan. Pandemiiamen küreske 8,1 milliard teŋge bölınıp, därı-därmekterdıŋ ekı aiǧa jetkılıktı qory jasaqtalǧan.
"Adyrna" ūlttyq portaly
