"Demokratııalyq partııaǵa" mıtıng ótkizýge ruqsat berdi

2884
Adyrna.kz Telegram

Almaty ákimdigi Demokratııalyq partııa qurǵysy keletin bastama top ókilderiniń qytaı ekspansııasyna tyıym salýdy jáne nesıe amnıstııasyn talap etetin mıtıngisin ótkizýine ruqsat berdi dep habarlaıdy «Azattyq» radıosy. Bul týraly quqyq qorǵaýshy Baqytjan Tóreǵojına Facebook-taǵy paraqshasynda jazdy. Ol qalalyq qoǵamdyq damý basqarmasynyń ruqsat bergen qaǵazynyń túpnusqasyn da jarııalady.

Basqarma jetekshisiniń orynbasary A.Esenbekovtiń qoly bar qujatta "sharanyń maqsaty men taqyrybynan aýyqtymaý qajettigi" jaıly eskertý jazylǵan. Atqarý organy buǵan qosa, "sharaǵa qatysatyn árbir adam sanıtarlyq-epıdemıologııalyq normalardy" saqtaýy tıis degen ıaǵnı, adamdar maska taǵyp, 1,5 metrlik ara qashyqtyqty saqtaýy tıis, zalalsyzdandyratyn quraly bolýy kerek.

Ákimdik ókilderi "qoǵamdyq tártiptiń saqtalýy men aýmaqtyń sanıtarlyq jaǵdaıyna sharany uıymdastyrýshylar jaýap beredi" dep te jazǵan. Beıbit jıyn ótkizý tártibi týraly zańǵa sáıkes, "azamattardyń ómiri men densaýlyǵyna, qoǵamdyq tártipke nemese qaýipsizdikke qaýip tóngen jaǵdaıda" shara toqtatylady dep eskertken.

Buǵan deıin saıasatker Janbolat Mamaı bastaǵan Demokratııalyq partııa qurýdy kózdeıtin top ókilderi 13 qyrkúıekte mıtıng ótkizetinin habarlaǵan. Top ókilderi jerdiń sheteldikterge satylmaýyn, nesıe amnıstııasyn jarııalap, saıası tutqyndardy bosatýdy talap etetinin aıtyp otyr. Buǵan qosa, mıtıng taqyryptarynyń arasynda qytaı ekspansııasyna qarsylyq ta bar.

Byltyrdan beri "Demokratııalyq partııa" qurýǵa talpynyp, jaqtastaryn jınap júrgen saıasatker Janbolat Mamaı sońǵy ýaqytta nesıe keshirý týraly bastamany jıi kóterip júr. Bıyl indetke baılanysty jumys oryndary toqtap, tabyssyz qalǵan azamattar sany kóbeıgen shaqta Mamaı Azattyqqa bergen suhbatynda "jurt nesıeni qymbat avtokólik nemese kereksiz dúnıe satyp alýǵa emes, kúndelikti qaryzyn jabýǵa alyp otyr, bul ıdeıaǵa qarsylardy kezdestirmedim" degen edi. Keıbiri muny "popýlıstik ıdeıa" dep atasa, keıbiri qoldaǵan.

Sońǵy ret bastama top ókilderi 6 maýsymda osy taqyrypta mıtıng ótkizgen. Ol kúni "Demokratııalyq partııamen" qatar eldegi ózge de oppozıııalyq kúshter ár jerde bılikke qarsy narazylyq sharasyna jınalǵan. IIM sol kúni respýblıkanyń túkpir-túkpirinde 53 adam ustalǵanyn habarlady. Al quqyq qorǵaý top ókilderi men aqparat quraldary júzden astam adamnyń ustalǵanyn jazdy.

Qazaqstanda maýsym aıynda "Beıbit jıyn týraly" jańa zań qabyldanǵanmen quqyq qorǵaýshylar beıbit jıynǵa shyqqan azamattardy ustaý men olardy qýdalaý tyıylmady dep otyr. Jergilikti bılik burynǵysha sharanyń "ruqsat etilmegenin" alǵa tartyp, zańsyz deýmen keledi. Jergilikti jáne halyqaralyq quqyq qorǵaýshylar jańa zańda eski shekteýler qalǵanyn aıtady.

Foto ashyq derekkózden alyndy.

Pikirler