Atyraý oblysynyń burynǵy ákimi Bergeı Rysqalıevtiń tárkilengen múlki qaıtaryldy. Bul týraly bas prokýrordyń orynbasary Marat Ahmetjanov málimdedi, dep habarlaıdy «Adyrna» ulttyq portaly.
Marat Ahmetjanovtyń sózinshe, Bergeı Rysqalıevtiń týystarynyń múlkine salynǵan shekteýler de kúshin joıady. Bas prokýratýra múliktiń zańsyz baıýǵa qatysy joq ekenin anyqtaǵan.
- Onyń týystaryna aıyp taǵylǵan joq. Tergeý barysynda ol múliktiń zańsyz baıýǵa qatysy joq ekeni anyqtaldy. Ekinshiden, resmı aıyp taǵylǵanǵa deıin shekteý salynǵan múlikke shekteý alyndy. Bergeıdiń ol múlki qylmystyq top qurǵan kezeńde emes, odan burynyraq, bızneste júrgen kezinde tirkelgen, - deıdi bas prokýrordyń orynbasary.
Eske sala ketsek, 2019 jyldyń qańtarynda Bergeı Rysqalıev syrttaı sot sheshimimen 17 jylǵa, baýyry Amanjan Rysqalı 16 jylǵa sottalyp, múlikteri tárkilengen.
Bergeı Rysqalıevke 2006 jyly qylmystyq top qurdy, Atyraý oblysyndaǵy túrli qurylys jobalaryn paıdalanyp, 72 mlrd teńge jymqyrdy degen aıyptar taǵylǵan bolatyn.
«Adyrna» ulttyq portaly
