Mınıstr men Qazaqtelekom basshysy aýyldarda ne istep júr?

2796
Adyrna.kz Telegram

   ıfrlyq damý mınıstri Baǵdat Mýsın men Qazaqtelekomnyń basshysy Qýanyshbek Esekeev aýyldardy aralap júr. Maqsattary – ǵalamtor jyldamdyǵy nashar, qoljetimsiz aımaqtardaǵy máseleni sheshý. Osyǵan oraı, «Adyrna» ulttyq portaly áleýmettik jelilerde saýalnama júrgizip, el turǵyndarynyń aryzyna qulaq túrdi.

Eldegi ınternet jyldamdyǵyna kóńilińiz tola ma degen saýalymyzǵa jeli qoldanýshylarnyń óte az bóligi «Iá, tolady» dese, deni baılanystyń nasharlyǵyn, tipti, keıbir óńirlerde baılanys joqtyǵyn aıtyp shaǵymdandy:

  Men ózim ustazbyn. Eki balam mektepke barady. Úıde Wi-fi joq. Aı saıyn 8 myń teńgege edınıa salamyz. Qazposhtaǵa ınternet qoıýǵa ótinish qaldyrǵam. 1-2 kúnde kelemiz dep kelmedi. Qolymda enem bar. Batyr ana. Eki kúnniń birinde aýyrady. Aqmola oblysy, Esil aýdany, Svobodnyı aýyly.

  Internet joq aýyldar emes, múldem baılanys joq aýyldar bar. Internet árbir 3-shi aýylda joq.

  Vaı-faı bar. Sonda da ınternet nashar. Kúndelik.kz toltyr deıdi. Aınalyp turyp alady. Onlaın kýrsqa qatys, balany oqyt deıdi. Internet nashar bolsa qıyn, júıkeń juqarady eken.

  Aýyl túgili qalanyń óziniń qatyp jatqany shamaly. 42 baladan, 13-i ǵana sabaqqa qatysýda. Qalǵany she? Qalǵanynyń múmkinshiligi joq. Qalaı bilim almaq?

  Aýdan, aýyldy qaıdam? Shymkent qalasynda turyp ınternet jaqsy ustamaıdy. Bılaın set joq. Sóılesýden de qaldyq.

  Qaladan 30-40 metr shyqsań boldy ınternet nashar. Internet bylaı tursyn baılanys ustamaıdy. Habarlasa almaısyń.

   Bıǵash aýyly, Eskeldi aýdany. Oqýshylar tóbege jınalyp ınternet izdeıdi. Ol jer – jeldiń óti. Balalarǵa obal.

   Aýylda ınternet joq deısizder. Aýyl túgili Almaty túbindegi Besaǵashqa qarasty 6-oı ýchastok degen jerde ınternet joq. Balalarymyz zýmǵa kirý úshin tentirep aǵaıyndarymyzdyń úıinde júr. Internet júrgizý úshin 35 mıllıon teńge kerek deıdi. Ondaı aqshany halyqtyń jaǵdaıy kótermeıdi. Ótinish kómektesińizder!

Bul – turǵyndar aryzynyń bir parasy ǵana. Internettiń qoljetimsizdigi  qala syrtyndaǵy aýdandardan bólek, aýyldaǵy, kóptegen shalǵaı eldi mekenderdegi aǵaıynǵa qolbaılaý bolyp otyrǵanyn ańǵardyq. Bul máselege Baǵdat Mýsın men Qýanyshbek Esekeev myrzalar da atústi qaramaı, aryzdardy eskerip, qarashanyń máselesin ońtaıly sheshýge bilek sybanna kirise eken.

 

Foto ashyq derekkózden alyndy

«Adyrna» ulttyq portaly

 

 

 

 

Pikirler