Oqytýshy Zoom-daǵy dáris kezinde qaıtys boldy

2925
Adyrna.kz Telegram

Argentınada ZOOM arqyly ótken onlaın-dáris kezinde de la Empres ýnıversıtetiniń oqytýshysy qaıtys boldy, dep habarlady jergilikti basylym Clarin.

Oqıǵa sársenbi kúni bolǵan. Basylymnyń habarlaýynsha, 46 jastaǵy Paola de Sımone stýdentterge arnalǵan onlaın-dáris kezinde dem ala almaı bastap, kóp uzamaı esinen tanyp, qaıtys bolǵan.

Prıstýp bastalǵan sátte-aq stýdentter dárigerlerdi shaqyrý úshin de Sımoneniń meken-jaıyn suraǵan, biraq oqytýshy ony aıta almaı, úzilip ketken.

Basylymnyń habarlaýynsha, tamyz aıynyń sońynda de Sımone óziniń Tvıtterdegi paraqshasynda bir aıǵa jýyq ýaqyt ózinde koronavırýstyń belgileri bar ekenin jarııalapty.

Buǵan deıin Argentına bıligi koronavırýsqa baılanysty engizilgen karantındi 20 qyrkúıekke deıin uzartýǵa sheshim qabyldaǵan bolatyn. Sońǵy málimetterge sáıkes, bul elde koronavırýs juqtyrǵandar sany 472 000-ke jetip, 9 739 naýqas qaıtys bolǵan.

 

Foto ashyq derekkózden alyndy

«Adyrna» ulttyq portaly

 

 

 

Pikirler