Bıyl tumaýǵa qarsy ekpe salý 10 qyrkúıekten 10 qarashaǵa deıin jalǵasady. Salynatyn "Grıppol plıýıa" vakınasy Reseıde óndirilgen
Almatylyq dárigerler kimge tumaýǵa qarsy ekpe tegin salynatynyn aıtty, dep habarlaıdy Sputnik Qazaqstan tilshisi.
"Tumaýǵa qarsy ekpe jyl saıyn salynady. Qazir Almatyda tumaýǵa qarsy vakına salýǵa daıyndyq jumysy júrgizilip jatyr. Tumaý – tynys alý joldarynyń jiti aýrýy. Tumaý kezinde bas aýyryp, adamnyń ımmýnıteti álsireıdi. Sonyń nátıjesinde naýqastar bakterııalyq pnevmonııa paıda bolýy múmkin. Kóp jaǵdaıda balalar men 60 jastan asqan adamdardyń jaǵdaıy qıyn bolady", - dedi Almaly aýdany medıınalyq-sanıtarııalyq alǵashqy kómek kórsetetin ortalyqtyń pedıatrııa bóliminiń meńgerýshisi Maıra Makeeva.
Bıyl tumaýǵa qarsy ekpe salý 10 qyrkúıekten 10 qarashaǵa deıin jalǵasady. Salynatyn "Grıppol plıýıa" vakınasy Reseıde óndirilgen.
Tumaýǵa qarsy kimge ekpe tegin salynady
- 18 jasqa tolmaǵan sozylmaly aýrýy bar balalarǵa;
- Medıına qyzmetkerlerine;
- Júkti áıelderge;
- Jabyq úlgidegi mekemelerdegi adamdarǵa (balalar úıi, mektep ınternat);
- Sozylmaly aýrýy bar múgedek eresekterge;
- 60 jastan asqan azamattarǵa.
Vakına qalaı salynady
Dárigerdiń aıtýynsha, vakınany saldyratyn adamdardyń tizimi jasaldy, sol tizim boıynsha paıentter emhanaǵa shaqyrylady.
"Ekpe saldyrar aldynda azamat óziniń ýchaskelik dárigeriniń tekserýinen ótedi, onyń ınfekııalyq aýrý juqtyrǵandarmen baılanysta bolǵan-bolmaǵany jaıly suraıdy. Dene qyzýy ólshenip, eshqandaı qarsy kórsetkishter bolmasa, vakına salynady", - dedi dáriger Makeeva.
Sonymen qatar ýchaskelik dáriger vakına salatyndarǵa birqatar keńes beredi. Ekpe salǵan azamat 30 mınýt medbıkeniń baqylaýynda bolady. Aldaǵy eki kúnde de jaǵdaıy qadaǵalanady.
