Aıdyn Aıymbetov osydan 5 jyl buryn, ıaǵnı 2015 jyly ekinshi qyrkúıekte ǵaryshqa ushyp, Toqtar Áýbákiriv pen Talǵat Musabaevtan keıingi úshinshi qazaq ǵaryshkeri atandy.
2015 jyly dál osy kúni «Soıýz TMA-18M» basqarylatyn ǵaryshtyq kemesi Baıqońyr ǵarysh aılaǵynan Nur-Sultan ýaqytymen 22 saǵat 37 mınýt ótkende haryshqa attandy. Halyqaralyq ekıpaj quramynda №2 bortınjeneri Aıdyn Aıymbetovpen birge reseılik ǵaryshker, №1 bortınjeneri Sergeı Volkov, Danııa Koroldiginiń astronavty Andreas Mogensen boldy. Sapar 10 kúnge sozyldy.
Jalpy ǵaryshtyq zertteý baǵdarlamasy 10 ǵylymı tapsyrmadan turdy. Onyń ishinde Aral jáne Kaspıı teńizderiniń ekologııalyq jaǵdaıyna monıtorıng júrgizý jáne «Dastarhan-6» dep atalǵan ulttyq taǵam ónimderiniń ǵaryshtaǵy paıdaly qasıetterin zertteýdi maqsat etti. Keıbir derekterde Aıdyn Aıymbetovtiń saparynyń shyǵyny 20 mıllıon AQSh dollar bolǵandyǵy aıtylady.
Aıdyn Aıymbetov - táýelsiz Qazaqstannyń óz azamattyǵy atynan ǵaryshqa ushqan tuńǵysh ǵaryshker. Al Toqtar Áýbákirov pen Talǵat Musabaev Reseı azamattary retinde ushqan (Áýbákirov 1991 jyly 2 qazanda ushty - avt.).
Qazirgi ýaqytta QR ushqysh-ǵaryshkeri, QR Halyq Qaharmany Aıdyn Aıymbetov «Qazaqstan Ǵarysh Sapary» UK» AQ vıe-prezıdenti.
"Adyrna" ulttyq portaly
