Memleket basshysy Qasym-Jomart Toqaevtyń «JAŃA JAǴDAIDAǴY QAZAQSTAN: IS-QIMYL KEZEŃI» atty Joldaýyn iske asyrý jóninde Shymkent qalasy ákimdiginiń aktıv májilisi ótti.
Jıynda qala ákimi Murat Áıtenov Joldaýdaǵy basym baǵyttar men naqty atqarylatyn jumystardy atap berdi. Murat Dúısenbekuly jańa jaǵdaıdaǵy ekonomıkalyq damý, halyqtyń áleýmettik ál-aýqatyn kóterý, qorshaǵan ortany qorǵaý, bilim jáne densaýlyq salasyndaǵy máselelerdi atap, birqatar orynbasarlaryna naqty tapsyrmalar júktedi.
Shymkent qalasyn Aýyl sharýashylyǵy ónimderin óńdeý ortalyǵyna aınaldyrýǵa barlyq múmkindikter bar. Túrkistan jáne Jambyl oblystaryndaǵy aýyl sharýashylyǵy ónimderin Shymkentte óńdep, ishki jáne syrtqy naryqqa shyǵarýǵa suranyp tur.
– Qalada mamandardy daıyndaıtyn oqý oryndary jetedi. Transporttyq-logıstıkalyq jeli damyǵan. Tórt joldyń torabynda otyrmyz. Sondyqtan, Agroındýstrııalyq aımaqty qalyptastyrý jumystaryn jedeldetý kerek. Orynbasarym Sáttibaev Aıbek Berikulyna Óńdeý ónerkásibi jáne Aýyl sharýashylyǵyn damytýdyń 5 jyldyq josparyn ázirleýdi tapsyramyn, – dedi Murat Dúısenbekuly.
Sondaı-aq, halyqtyń áleýmettik ál-aýqaty – basty basymdyqqa ıe. Naryqtyń jaǵdaıynda ár azamattyń baspanaly bolýy tikeleı ózine baılanysty. Dese de, memleket turǵyn úı qurylysyn tikeleı qoldap otyr. Shymkentte 1 mıllıon sharshy metrdi quraıtyn 262 kópqabatty úı salynyp jatyr. (Onyń 126-sy jekemenshik kommerııalyq joba, barlyǵy 6 147 páter)
Qazir Shymkent qalasynda 40 myńǵa jýyq adam úı kezeginde tur. Bıyl onyń ishinde 976 adam baspanaly bolady.
Qala ákimi halyqty baspanamen qamtý boıynsha Baýyrjan Mamytalıevke turǵyn úı kezegindegi azamattardy baspanamen qamtýdyń 5 jyldyq josparyn ázirleýdi tapsyrdy.
– Jalpy, Shymkent megapolıs bolǵan soń, tabıǵı ósim men mıgraııany eskerer bolsaq, turǵyn úıge degen suranys eshqashan tómendemeıdi. Memlekettik bılik halyq sany men turǵyn úı qurylysynyń qarqynyn ushtastyrýǵa tıis. Orynbasarym Baýyrjan Jaımurzynuly kredıttik turǵyn úıler kólemin arttyrý, turǵyn úıdiń ózindik qunyn azaıtý, arendalyq tólemderdi bıýdjetten sýbsıdııalaý múmkindikterin qarastyrsyn, – dedi qala ákimi.
Shymkent qalasynyń Aqparattyq-kommýnıkaııalyq ortalyǵy
