Bilim berý onlaın platformalaryna qoıylatyn biryńǵaı talaptar ázirlenedi. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Orta bilim salasyna toqtalsaq, qashyqtan oqytý aıasynda otandyq naryqqa segizden astam bilim berý platformasy shyǵýda. Biraq platformalardyń fýnkıonaly men múmkindikteri ártúrli. Mınıstrlik oqytý proesin tolyqqandy iske asyrý úshin qajetti fýnkıonaldy alýǵa múmkindik beretin bilim berý onlaın platformalaryna qoıylatyn biryńǵaı talaptardy ázirlep, birizdendirip, iske asyratyn bolady», - dedi mınıstr Úkimettiń otyrysynda.
Sonymen qatar ol oqytýdyń dástúrli kúndizgi formatyna qaıtarý qadamyna toqtaldy. «Bilim berý uıymdaryn oqytýdyń dástúrli kúndizgi formatyna qaıtarýdyń tıisti tártibi Densaýlyq saqtaý mınıstrligimen birge ázirlenedi», - dedi A. Aımaǵambetov. Budan buryn habarlanǵandaı, Joldaý kezinde Prezıdent tolyqqandy oqý úderisi úshin qajetti barlyq fýnkııalary bar biryńǵaı onlaın bilim berý platformasyn shuǵyl ázirleýdi tapsyrdy. Munymen qosa, Memleket basshysy bilim alýdyń qalyptasqan dástúrli tásiline qaıta kóshýdiń tártibin ázirleýdi júktedi.
