Pandemııa kezinde jumystaryn toqtatqan toıhanalar birtindep satylymǵa shyǵaryla bastady. Qur qańyrap bos turǵan záýlim saraılardyń quny da arzan emes. Qazirdiń ózinde myńdaǵan toıhana satylyp jatyr dep habarlaıdy 31-arna. Toıhananyń eń arzany 300-400 mıllıonnan bastalyp, mıllıardtarǵa deıin barady.
Sońǵy jarty jylda bir tıyn paıda ákelmeı, bos turǵan toıhanalar qojaıyndaryn da tyǵyryqqa tirese kerek. Sharasyz qalǵan kásipkerler toıhanalaryn jappaı satyp jatyr. Toıhanalardyń kóbi Nur-Sultan, Almaty, Shymkent qalalarynan satylymǵa qoıylǵan. Toıǵa myńdaǵan adam shaqyratyn Shymkentte toıhanalar baǵasy Almaty men Nursultanǵa qaraǵanda arzan. 550 adamǵa arnalǵan toıhana 750 mıllıonǵa baǵalanyp tur.
Arnaıym maman sońǵy kezderi tamaqtanatyn oryndardy satyp jatqan kásipkerlerdiń kúrt artqanyn aıtady.
"Bizdiń agenttik on jyldan beri naryqta jyljymaıtyn múlik satýmen aınalysady. Sońǵy kezderi túrli dámhana, meıramhanalardyń ıelerin kóptep habarlasyp, bıznesterin satylymǵa qoıyp jatyr. Sebebi, koronavırýs indetine baılanysty olardyń jumystary qıyndap ketti", - deıdi Vıtalıı Braılovskıı.
Foto ashyq derekkózden alyndy.
