Almatyda oba aýrýy tarap jatqany ras pa?

4107
Adyrna.kz Telegram

Almatylyq turǵyn áleýmettik jelilerdiń birinde Naýaı kóshesindegi bir turǵynúıdiń páterinde oba aýrýymen aýyratyn adamdar bary týraly jazǵan dep habarlaıdy Nur.kz. Bul týraly dárigerlerge habarlamaq bolǵan ol: «Aqparatty qabyldaǵan dıspetcherler qoldarynan eshteńe kelmeıtinin aıtyp, sáttilik tiledi de, telefon tutqasyn qoıa saldy» dep jazady.

Dárigerler tarapynan tıisti áreket bolmaǵan soń, almatylyq kelinshek álgi aty jaman indetke shaldyqqandardyń qaı páterde ekenin anyqtamaqqa ózi kirisedi. Alaıda onyń qaqqan dabyly jalǵan bolyp shyǵady. Qyzmet kórsetý jáne taýar sapasyn baqylaý komıtetiniń ókilderi aıtylǵan mekenjaı boıynsha teksreý júrgizip, eshqandaı da oba aýrýymen eshkim aýyryp jatpaǵanyn anyqtady. Jurtty dúrliktirgen aqparattyń shyǵýyna orys tilin túsinbegen podezd tazalyqshysy sebep bolǵan.

29 tamyzda qurylys qoqystaryn jınaýǵa kóterilgen tazalyqshyny podezge jibermeı: «ý menıa oba rebenka boleıýt» degen kelinshektiń sózin durys túsinbegen tazalyqshy «oba» sózin ózinshe qabyldap, dabyl qaqqan eken.

 

Pikirler