QR Úkimeti 2017 jyly «ıfrlyq Qazaqstan» memlekettik baǵdarlamasyn bekitken bolatyn. Bıyl osy baǵdarlama aıasynda Shymkent qalasynyń ekonomıkalyq ál-aýqaty men básekege qabilettiligin arttyrý, sondaı-aq qala turǵyndarynyń ómir súrý sapasyn jaqsartý maqsatynda birneshe salada josparly is-áreketter júzege asyryldy.
Internet jelisimen tolyq qamtý. Shymkent elimizdiń mańyzdy qalalarynyń biri statýsyna ıe bolǵaly ıfrlandyrý jumystaryna erekshe nazar aýdarylyp, qala 80%-ǵa sapaly ınternet jelisimen qamtyldy. Bul kórsetkish 100 %-ǵa jetýi úshin bazalyq stanııalar tolyq ornatylyp bitýi tıis.
Osy kúnge deıin 105 shaǵynaýdan men turǵyn alaptary ınternet jelisimen qamtamasyz etilgen. Mobıldi ınternetke – 74, symdy ınternetke – 79, talshyqty-optıkalyq baılanys arnasyna 49 shaǵynaýdan qol jetkizgen.
Aldaǵy ýaqytta qalany 5G jelisimen qamtamasyz etý qarastyrylýda.
Memlekettik qyzmetti ońtaılandyrý. Ótken jyly qala ákimdigi usynatyn 195 memlekettik qyzmettiń 179-y ońtaılandyrylǵan. 2021 jylǵa deıin bul salanyń 90%-yn ıfrlandyrý josparlanǵan.
Medıınalyq kómek. Koronavırýs týraly naqty aqparat taratatyn arnaıy https://covid19shymkent.kz/ aqparattyq portaly iske qosyldy. Saıt arqyly qala turǵyndary pnevmonııa jáne JRVI-men aýyratyn naýqastar sany, táýlik ishinde aýrýhanaǵa túsken jáne emdelip shyqqan naýqastar sany týraly aqparat bile alady.
Sondaı-aq saıtta bilikti dárigerler beıne-brıfıngter ótkizip, halyqqa aýrýdyń aldyn alý jáne onyń belgileri jaıly keń maǵlumat beredi. Budan bólek medıınalyq mekemeler men provızorlyq ortalyqtardyń meken-jaılary men telefondary týraly aqparatty tabýǵa bolady.
Tek koronovırýs ınfekııasynyń taralýyna qatysty ǵana emes ózge de medıınalyq kómekterdi onlaın alý maqsatynda Shymkenttiń bilikti dárigerleri 1430.kz saıty arqyly tegin keńes berýge kóshti. Osy saıtqa tirkele otyryp, halyq jergilikti emhanalardyń dárigerlerinen onlaın keńes pen alǵashqy medıınalyq kómek alýyna bolady. Qazirde saıtqa hırýrg, travmotolog, ýrolog, gınekolog syndy jetpiske jýyq maman tirkelgen. Mundaı Start-Up joba buǵan deıin Nur-Sultan men Almaty qalalarynda júzege asqan.
Bilim salasy ıfrlanýda. Pandemııaǵa baılanysty bıyl oqý proesi onlaın rejımge ótetindikten qaladaǵy bilim berý uıymdary joǵary sapadaǵy ınternetpen qamtamasyz etilýde. Taıaýda Shymkent qalasynyń ıfrlandyrý basqarmasy basshysynyń mindetin atqarýshy Dosan Álibekov baspasóz brıfınginde qalanyń bilim salasy tolyq ıfrlanǵanyn málimdedi. Sondaı-aq ol óz sózinde: «Bilim salasy – eń mańyzdy áleýmettik salanyń biri. Bıyl bilim salasy tolyq avtomattandyryldy. Balalalardy bilim uıymdaryna qabyldaý tolyq elektrondy formatta júzege asty. Sondaı-aq, tehnıkalyq jáne kásiptik bilim berý uıymdaryna qabyldaý, otbasy jáne balalarǵa qatysty qyzmetter, taǵy basqa qyzmetter tolyq avtomattandyryldy. Qala aýmaǵyn joǵary jyldamdyqty jáne qýatty ınternet jelisimen qamtamasyz etý maqsatynda búginde 11 bazalyq stanııa ornatylýda. Olardy ornatatyn 11 oryn boıynsha da qalada zańdastyrý jumystary aıaqtaldy. Shymkent qalasynyń aýmaǵyna kiretin barlyq shalǵaıdaǵy eldimekenderdi joǵary sapadaǵy ınternetpen qamtý úshin qosymsha 43 núktege taldaý jumystary júrgizildi. Qyrkúıek, qazan aılarynda bazalyq stanııalardyń jumysyn iske qosý jumystary aıaqtalady», – dep oń ózgeristermen tanystyrdy.
Aldaǵy ýaqytta ózge salalardyń da jumysyn ýaqyt talabyna beıimdeý maqsatynda «ıfrlyq Qazaqstan» memlekettik baǵdarlamasy aıasynda josparly is-áreketter atqarylady.
Foto ashyq derekkózden alyndy.
Aıjan PERDEBEKQYZY,
«Adyrna» ulttyq portaly
