Memleket basshysy Qasym-Jomart Toqaev QR Konstıtýııasy kúnine oraı quttyqtaý joldady, dep habarlaıdy "Adyrna" tilshisi Aqordaǵa silteme jasap.
Qurmetti otandastar!
Barshańyzdy Qazaqstan Respýblıkasynyń Konstıtýııasy kúnimen quttyqtaımyn!
Osydan 25 jyl buryn Tuńǵysh Prezıdentimiz – Elbasy Nursultan Ábishuly Nazarbaevtyń bastamasymen qazirgi Ata zańymyz qabyldandy. Bul qadam tereńnen tamyr tartatyn memlekettigimizdi tyń óriske bastap, Qazaqstan Respýblıkasynyń kúrdeli geosaıası jaǵdaıdaǵy damýynyń dańǵyl jolyn aıqyndady.
Konstıtýııamyzda belgilengen adam quqyǵy men bostandyǵy, saıası jáne áleýmettik-ekonomıkalyq qurylym qaǵıdattary ádiletti qoǵam men qýatty memlekettiń aınymas tuǵyryna aınaldy.
Halyq bıligi, teńdik, birlik, zań ústemdigi sııaqty qasterli ustanymdar myzǵymas ustyn retinde qalyptasyp, Qazaqstannyń keleshektegi jan-jaqty damý baǵdarynyń mazmunyn aıshyqtaı tústi.
Ata zańymyz ýaqyt rýhyna jáne azamattarymyzdyń talap-tilegine saı keledi. Sondaı-aq, onyń jasampazdyq áleýeti saıası júıe men áleýmettik-ekonomıkalyq qatynastardy odan ári jetildirýge baǵyttalǵan.
Biz memlekettiń berik konstıtýııalyq negizine súıene otyryp, eldegi kelisim men saıası turaqtylyqty saqtaımyz jáne azamattyq qoǵammen syndarly baılanysty jalǵastyra beremiz. Qazirgi qıyndyqtardy birge eńserip, kózdegen maqsatymyzǵa jetetinimizge senimim mol.
Elimizge amandyq, jurtymyzǵa yntymaq pen baq-bereke tileımin!
"Adyrna" ulttyq portaly
