2020 jylǵy 1 tamyzdaǵy jaǵdaı boıynsha Qazaqstan salymshylarynyń zeınetaqy jınaqtarynyń somasy 12,1 trıllıon teńge boldy, dep habarlaıdy QazAqparat tilshisi.
«2020 jyldyń 1 tamyzyna qaraı Biryńǵaı jınaqtaýshy zeınetaqy qory salymshylarynyń shottarynda 12,1 trıllıon teńge zeınetaqy jınaǵy jınaldy. Bir jylda zeınetaqy jınaqtarynyń somasy 1,9 trıllıon teńgege para-par nemese 19% ósti»,– delingen habarlamada.
Zeınetaqy jınaqtarynyń negizgi somasy mindetti zeınetaqy jarnalary esebinen qalyptasty, onyń mólsheri 11,8 trln teńge. Mindetti kásiptik zeınetaqy jarnalary boıynsha zeınetaqy jınaqtarynyń somasy 287,8 mlrd teńge, al erikti zeınetaqy jarnalary 2,1 mlrd teńgeni quraıdy. 2020 jyldyń basynan bastap 1 tamyzdaǵy jaǵdaı boıynsha Qor salymshylarynyń shottaryna 752,98 mlrd teńge taza ınvestıııalyq tabys esepteldi, bul ótken 2019 jyldyń sáıkes kezeńimen salystyrǵanda 389,77 mlrd teńgege artyq.
