Qazaqstandyq kommýnıster turǵylyqty jeri joq adamdarǵa kómek kórsetýge baǵyttalǵan túrli qyzmetter men vedomstvolardyń jumysyn úılestirýge múmkindik beretin jeke zań qajet degen bastama kóterdi. Bul týraly Kókshetaýda «Halyqtyń áleýmettik jaǵynan osal toby. Pandemııa kezinde týberkýlezdiń taralý máselesi, qaýpi, táýekeli» taqyrybymen ótken dóńgelek ústel barysynda talqylandy.
«Ár vedomstvo óz jumysyn ózinshe júrgizedi. Alaıda, vedomstvolar arasynda úılestirý jetispeıdi. Máselen, densaýlyq saqtaý salasyndaǵylar naýqastardy emdep shyǵaryp, áleýmettik ortaǵa jiberedi. Keıin bul adamdarǵa eshkim qaramaıdy da, qaıta naýqastanady. Sóıtip, bári qaıtadan basynan bastalady. Sol sebepti barlyq vedomstvolar men úkimettik emes uıymdardyń, zańdy jáne jeke tulǵalardyń basyn biriktiretin zań qajet», - deıdi QKHP Aqmola oblystyq fılıalynyń tóraǵasy Oljas Syzdyqov.
Qańǵybastar vırýsty taratýshy top pa? Mundaı pikir qaı kezde paıda boldy?
Týberkýlez – juqpaly ǵana emes, sonymen qatar azamattardyń áleýmettik osal sanattary arasynda jedel taralatyn aýrý. Qazaqstanda halyqtyń edáýir bóligi kedeılik sheginen tómen deńgeıde ómir súrip jatyr. Tabysy tómen adamdar ózderin qajetti zattarmen, onyń ishinde azyq-túlik ónimderimen, vıtamındermen jáne dári-dármekpen qamtamasyz ete almaıdy. Osy oraıda álsiregen adam aǵzasy qaýipti ınfekııalarǵa tez beriledi.
Kovıdtan keıingi kezeń ásirese áleýmettik turǵydan da, medıınalyq turǵydan da týberkýlezge qatysty jaǵdaıdy ýshyqtyrdy. Qaýip-qaterge ilinetin topta úısiz adamdar, sottalǵandar, balalar úıiniń túlekteri ǵana emes, buǵan deıin turaqty tabysy bolǵan adamdar da bar. Karantınge baılanysty kóptegen qazaqstandyqtar jumysynan aıryldy. Iaǵnı, qalypty ómir súrý, otbasylaryn asyraý, turǵyn úıdi jalǵa alý múmkindigi de tómendedi. Onyń ústine vırýstyń ózi de respıratorlyq sıpatqa ıe.
– Qazirgi ýaqytta úısiz adamdar sany ósý ústinde. Bizdiń qaladaǵy beıimdelý ortalyǵy tek 50 adamdy ǵana qabyldaı alady. Biraq bul jetkiliksiz. Ásirese qys mezgilinde, – dedi kommýnıster.
Jıynǵa qatysýshylar ár aýdanda osyndaı uıym ashyp, beıimdeý qyzmetiniń jumysyn úılestirý týraly usynys jasady.
– Karantın kezinde beıimdeý ortalyqtary azamattardyń osal sanattaryn qabyldaǵan joq. Árıne, olardan PTR-ge eshkim test alǵan joq. Aýrýhanalarǵa da eshkim qabyldamady. Al aýrýdyń qaýiptilik toby keńeıdi, – dedi Oljas Syzdyqov.
Dóńgelek ústel qorytyndysy boıynsha aıtylǵan usynymdar «Halyq kommýnısteri» parlamenttik frakııasyna jiberiletin boldy.
– Osy jyldyń sońyna deıin bizdiń depýtattar úısiz adamdar týraly zań qabyldaý qajettigin jetkizedi dep úmittenemin, – dedi Oljas Syzdyqov. Bul týraly Qazaqstan halyq kommýnıstik partııasy saıtynda habarlandy.
Foto ashyq derekkózden alyndy.
Aıaýlym ÁBILDA
“Adyrna” ulttyq portaly
