Úshinshi megapolıste bilim salasy «QR bilim berýdi jáne ǵylymdy damytýdyń 2020-2025 jyldarǵa arnalǵan memlekettik baǵdarlamasy» aıasynda óńirlik baǵdarlamamen jumys júrgizýde.
Shaharda bilim salasynyń aǵymdaǵy jaǵdaıyna taldaý júrgizilip, memlekettik baǵdarlamada belgilengen nysanaly ındıkatorlar men kórsetkishterge qol jetkizý boıynsha is-sharalar jospary bekitilgen.
Onlaın tamyz keńesinde baıandama jasaǵan Shymkent qalasynyń bilim basqarmasynyń basshysy J. Tájıeva jańa oqý jylynda birqatar bilim ordalary ashylatynyn málimdedi.
Jańa oqý jylynan bastap Shymqalada halqymyzdyń uly perzenti Abaı Qunanbaevtyń 175 jyldyǵyna oraı «A. Qunanbaev atyndaǵy daryndy balalarǵa arnalǵan mamandandyrylǵan gımnazııa mektebi» jumysyn bastaıdy.
Minekeı, bilim salasy qyzmetkerleri osyndaı qýanyshqa kenelip otyr. Daryndy balalarǵa arnalǵan mektep qalada orta bilim berý salasyn damytý, bilim sapasyn joǵarylatý maqsatynda ashylyp otyr.
Uly aqynnyń esimin ıelengen bilim ordasynan bilimdi, alǵyr azamattardyń kóptep shyǵatynyna senim zor.
Shymkent qalasynyń Aqparattyq-kommýnıkaııalar ortalyǵy
