Almaty oblysy ákimi Amandyq Batalovtyń buıryǵymen Rýstam Álıuly oblys ákiminiń orynbasary bolyp taǵaıyndaldy dep habarlaıdy «Adyrna» Dalanews.kz-ke silteme jasap.
36 jastaǵy Rýstam Alpysbaev Jetisý óńiriniń ıdeologııa salasyna jaýap beredi. Oblystyq Ishki saıasat basqarmasyna basshylyq etkende aımaqtyń medıa salasyna barynsha kóńil bólindi.
Túrli is-sharalar, aqparattyq, dúnıe tanymdyq jobalar iske asyryldy. Atap aıtqanda #TaldyParis, Han táńiri, Muqylaı jobalary, Orbulaq tarıhı shaıqasynyń rekonstrýktııalyq qoıylymy sekildi iri sharalar aımaq jurtynyń áli esinde.
Alpysbaev Rýstam Álıuly 1984 jyly týǵan.
Ál-Farabı atyndaǵy Qazaq ulttyq ýnıversıtetin shyǵystaný mamandyǵy boıynsha (bakalavr, magıstratýra, doktorantýra), I. Jansúgirov atyndaǵy memlekettik ýnıversıtetin qarjy mamandyǵy boıynsha bitirgen. Fılosofııa doktory (PhD).
Birqatar ǵylymı zertteý kitaptarynyń avtory jáne birlesken avtory.
Eńbek jolyn Almaty qalasynda «Delovaıa nedelıa» gazetiniń tilshisi bolyp bastaǵan.
Keıin Centralasiaonlaine.com saıtynda frılanser, «Kaspıı» Orta Azııa men Kavkazdaǵy etnomádenı jáne geosaıası zertteýler jýrnalynyń Qazaqstandaǵy resmı ókili, «Delovaıa nedelıa» gazetiniń halyqaralyq bóliminiń redaktory, ál-Farabı atyndaǵy Qazaq ulttyq ýnıversıtetiniń Shyǵystaný fakýltetiniń oqytýshysy, «Delovaıa nedelıa» gazeti bas redaktorynyń orynbasary, Taldyqorǵandaǵy «Jetisý jastary» MQKK dırektory, I. Jansúgirov atyndaǵy JMÝ-dyń jýrnalıstıka kafedrasynyń oqytýshysy, Eskeldi aýdany Qaınarly aýyldyq okrýginiń ákimi, Almaty oblysynyń jastar saıasaty máseleleri jónindegi basqarmasynyń basshysy, «QR Prezıdenti janyndaǵy Memlekettik basqarý akademııasynyń» Almaty oblysy boıynsha fılıalynyń oqytýshysy boldy.
2016 jyldyń mamyrynan – Almaty oblysynyń ishki saıasat basqarmasyna basshylyq etti.
