Halyqtan urlaǵan aqshany jasyrýdyń joly tabylǵan sııaqty

2499
Adyrna.kz Telegram

Kedeı elderge kómektesý agenttigin qurmaqshy bizdiń bılik. Ol jaı ǵana agenttik emes. ony qurý úshin bıýdjetten mıllıondap qarjy bólinedi. Al eń bastysy, mundaı agenttiktiń Qazaqstanǵa ne qajeti bar? Ózgege agenttikpen kómekteserdeı elimiz shylqyǵan baı, halqy toqshylyqtan sekirip júr me edi? Bul suraqtyń jaýabyn tómende Qýanysh EDILHANNYŃ jazbasynan alasyzdar.

 

«Agenttikti qurýǵa úkimet 138 mln teńge bólip, jedel qurýǵa kirisip ketti dep jazyp jatyr osynda. Sonshama nege jedel kiristi? Onyń da sebepteri aıtyldy jobamen. Árıne, resmı maǵlumat emes, biraq shyndyqqa keledi: qazir shetelge aqsha shyǵarýdyń eń durys joly osy - kedeı elderge kómek kórsetý.

Nege? Sebebi offshorǵa shyǵarylǵan aqshalar túbinde tekseriledi. Qazaqstandaǵy barlyq schettardy, onyń ishinde bankterdegi aqsha aýdarym qujattaryn joıyp jibergenniń ózinde de shetel bankterindegi qujattardy joıa almaıdy, sondyqtan durystap tekserse báribir ol aqshalar qalqyp shyǵady. Qazirgi kezde Ulttyq qordaǵy aqshalar 6 elde buǵattaýly tur deıdi, ıaǵnı ol da qaýipti jol. Jyljymaıtyn múlik satyp alý da qaýipti - erteń báribir buǵattalady.

Endigi jol - gýmanıtarlyq kómek degen syltaýmen shetelge aqsha shyǵarý. Eki KAMAZ júk berseń, bes KAMAZ berdim dep, qalǵanyn aqshalaı shyǵarasyń. Áıtpese ózi jalańbut otyryp, bireýlerge kómek berem degeni masqara ǵoı. Men solaı oılaımyn. Bular teginnen-tegin eshteńe de jasaı qoımas».

«Adyrna» ulttyq portaly.

Foto:  ashyq derekkózden alyndy.       

Pikirler