Osy aptada Bala quqyqtary jónindegi ýákil Arýjan Saıyn feısbýkte 2017-2019 jyldary aralyǵynda «111» Sall-ortalyǵyna bólingen 533 630 000 teńge shyǵynnyń qaıda jumsalǵanyna kúmánmen qaraıtynyn jazǵan bolatyn. Bul máselege burynǵy balalar ombýdsmeni Zaǵıpa Balıeva jaýap berdi, dep habarlaıdy "Adyrna" ulttyq portaly «Azattyq Ruhy» saıtyna silteme jasap.
Arýjan Saıynnyń sózinshe, qazirgi májilis depýtaty burynǵy qyzmetinde bıýdjeti mol «150» call-ortalyǵyna jetekshilik etken Zúlfııa Baısaqovanyń kóptegen aryzdaryn jaýapsyz qaldyrǵan. Al bul óz kezeginde ortalyqtardy biriktirip, birlesken qyzmet kórsetý túrin usynsaq degen nıetten týǵan.
«Birinshiden, «150» telefony «Daǵdarys ortalyqtary odaǵyna» tıesili boldy. Eldegi jábir kórýshi balalarǵa, jastarǵa, turmystyq zorlyq-zombylyq kórgen áıelderge qyzmet kórsetti. Ekinshiden, men ol jerdiń tehnıkalyq múmkinshiligin eskerdim. Eki bólmede, 2 kúndizgi, 1 túngi kezektegi operatorlar bar ekenin kórip, olar bundaı qarqynmen elimizdegi 6 mıllıon jas pen jasóspirimge qyzmet kórsete almaıtynyn bildim. Onyń ústine qurylǵylar eski bolatyn. Sondyqtan balalarǵa arnalǵan jańa senim telefonyn ashý máselesin jan-jaqty qarastyrdyq. «111» call-ortalyǵynda kún-tún demeı 30 operator jumys jasady. «150» nómirin alǵanda, báribir de ol jerdegi shtattyń aýqymyn keńeıtýge týra keler edi. 3 operator jumys atqarǵan ortalyqtyń jumysyna jylyna 20 mln teńge jumsalsa, shtatty úlkeıtken jaǵdaıda jyldyq shyǵyn báribir de 10 esege, ıaǵnı 200 mln teńgege deıin ulǵaıar edi,-dedi Zaǵıpa Balıeva.
Ol bólingen 533 mln teńgeniń dalaǵa jumsalmaǵanyn senimmen aıtty. «Tipti, bir balanyń ómirin saqtaı alǵan bolsaq, onyń ózi kópke tatıdy»-dedi.
Balalar kez kelgen telefon arqyly bizdiń ortalyqtarǵa habarlasa alatyndaı múmkinshilikke ıe boldy. Buny men bala quqyǵyn qorǵaýshy ýákil bolǵandyqtan negizgi talap retinde qoıdym. Sol ýaqytta biz BǴM, áleýmettik qorǵaý, densaýlyq saqtaý mınıstrlikterimen jáne Qaýipsizdik keńesimen kelisimderge keldik. Esterińizde bolsa, balalar arasynda «Sınıı kıt» degen oıyn taraǵan bolatyn. Biz quqyq qorǵaý organdarymen birlese otyryp, atalǵan máseleniń aldyn aldyq. Saraptamalyq jumystar júrgizdik.
Sonymen qatar, Arýjan Saıynnyń «111» ortalyǵy Zaǵıpa hanymnyń atyna tirkelgen degen aıyptaýyna:
Men zańdy tulǵa emes, ýákilmin. Buıryqpen muqııat tanyssańyz, ol telefon nómiri meniń atyma Bala quqyǵyn qorǵaýshy ýákil retinde tirkelgen. Bul meniń jeke nómirim degen sóz emes,- dedi Májilis depýtaty.
«Adyrna» ulttyq portaly
