Almaty qalasy bılım basqarmasy basşysynyŋ orynbasary Qairat Jūmanov qalada bırınşı qyrküiekten bastap 1-2 synyp oquşylary üşın kezekşı synyptar aşylatynyn aitty. Būl turaly Sputnik.kz habarlady.
"Almaty qalasyndaǧy epidemiologiialyq jaǧdai qalalyq densaulyq basqarmasy, tauarlar men körsetıletın qyzmetterdıŋ sapasy men qauıpsızdıgın baqylau komitetınıŋ nazarynda. Qazır jūmys ısteitın ata-analardan mümındıgınşe kezekşı synyptardy aşu turaly köptegen ötınış tüsıp otyr. Osyǧan bailanysty barlyq jalpy beretın mektepterde 1-2 synyp oquşylary üşın kezekşı toptar aşu turaly şeşım qabyldandy", - dedı ol.
Sonymen qatar bastauyş synyptar üşın arnaiy tüzetu mektep-internattarynda ştattyq rejimde jūmys ısteuge rūqsat etılgen.
Kezekşı synyptardaǧy talap
Balasynyŋ kezekşı synypqa baruy üşın ata-ana mektep direktorynyŋ atyna ötınış beruı kerek. Ony kez kelgen bailanys qūraly arqyly synyp jetekşısıne jıbere alady. Basty talap – sanitarlyq-epidemiologiialyq talaptardy saqtau. Sol sebeptı kezekşı synypta 15 baladan artyq bolmaidy. Är partada bır bala otyrady. Sabaq 40 minutqa sozylady, keste balalar üzılıske türlı uaqytta şyǧatyndai etıp qūrylady.Kompiutermen qamtamasyz etu
"Balalardy jäne mūǧalımderdı kompiutermen qamtamasyz etu maqsatynda monitoring jürgızıldı. Nätijesınde 75 myŋnan asa bala men 2 myŋnan asa mūǧalımdı kompiutermen qamtamasyz etu kerek ekenı belgılı boldy", - dedı Jūmanov. Jūmanov osy mäselenı şeşuge bailanysty bırqatar jūmys ūiymdastyrylyp jatqanyn aitty. "Jergılıktı biudjet qarjysynan 20 myŋnan asa kompiuter alynady. Bügınde barlyq kelısımşart jasaldy. 38 myŋnan asa kompiuter tehnikasy, onyŋ ışınde noutbuk, planşet ükımettıŋ rezerv qorynyŋ qarjysyna alynady. Sonymen qatar 22,5 myŋnan asa tūrmysy tömen otbasyǧa kompiuter jergılıktı biudjetten satyp alynady. 14 myŋnan asa kompiuter oquşylarǧa uaqytşa berıledı", - dedı Jūmanov. Aituynşa, Qazaqstannyŋ syrtqy ıster ministrlıgı, Qazaqstandyq diplomattar bırlestıgı jäne QR balalar qūqyǧy jönındegı uäkıl Arujan Sain jıbergen 150 noutbuk tūrmysy tömen otbasylarǧa berıldı.Oquşylardy kıtappen qamtamasyz etu
Almaty qalasy bılım basqarmasy basşysynyŋ orynbasary Qairat Jūmanovtyŋ aituynşa, 2020-2021 oqu jylynda 1-11 synyp oquşylaryna oqulyq satyp alu üşın jergılıktı biudjetten 3,8 milliard teŋge bölındı. Būl somaǧa tasymaldau qūny da kıredı. Almaty qalasynyŋ oquşylary 100% tegın oqulyqpen qamtamasyz etıledı. Aita keteiık, 2020 jyly bılım künı onlain formatta ötedı. Joǧary oqu oryndary, mektepter men kolledjder qaşyqtan oqidy."Adyrna" ūlttyq portaly
