Qazaqstan eshqandaı da musylman eli emes!

5752

Qazir bizdiń qoǵamda Islam dinin jaqtaýshylar men oǵan qarsy toptyń arasyndaǵy daýdyń tutanýy áp-sátte. Eki tarapty daýlastyrý úshin kez kelgen taqyrypty ortaǵa tastaı salsa, bitti. Aptalap aıtysyp, tartysyp jatqany. «Adyrna» ulttyq portalynda jarııalanǵan «Donor» týraly materıal da, qazaq dalasynda krematorıı salýǵa qatysty saýalnama da dinshilder men dindi jaqtamaıtyn top arasynda qyzý talqyǵa túskeni sondaı, qaı toptyń agressıvti ekenin ajyratý ońaıǵa túskendeı. Aıtpaǵymyz bul emes. sondaı daý barysyndaǵy pikirlerdi oqyp otyryp, keıbireýler óziniń qaı elde turyp jatqanyn umytyp ketetinin ańǵarasyz.

 

Dáp bir Islam memleketinde kún keship jatqandaı, sharıǵatty alǵa tartyp, Qurannan mysal keltirip shaptyǵyp shyǵatyndar az emes aramyzda. Bizdegi din ustanýshylardyń osylaı paıymdaýyna bálkim, keı azamattardyń pikiri de yqpal etetin shyǵar, kim bilsin. Máselen, osy krematorıı taqyrybyna qatysty tipti kózi ashyq, bilimdi azamattarymyzdyń ózi Qazaqstandy «musylman eli» dep jazyp, aıdy aspanǵa bir-aq shyǵardy.

 

«Astana qalasynda 1 mıllıard 519 mıllıon 285 myń teńgege máıitti órteıtin krematorıı salynbaqshy. Bul qalaı? Biz óligin órteıtin Úndistan emespiz. Máıitin arýlap jerleıtin musylman elinde munsha qarajat shashyp krematorıı salýdyń qajeti qansha?! Jerleý bizdiń mádenıetimiz, dinimiz. Elimizdegi tarıhı zırattarǵa qarap, jerdiń ıesi ekenimizdi bilemiz. Árýaq sılaý bizdiń qasıetimiz. Osynaý baıtaq dalada máıitti jerleýge oryn jetpeıdi deý aqylǵa syıymsyz. Árıne myna zamanda jerleýdi belgili bir standarttarǵa keltirý qajet. Baı bolsyn, kedeı bolsyn bólinetin jerdiń mólsheri shekteýli bolýy kerek. Qalaı bolsa, solaı shashyrańqy, yıqy-jyıqy beıit turǵyzýdy doǵarýymyz qajet.

Ysyrap qylyp záýlim-záýlim kúmbezdi zırat turǵyzýdy toqtatýǵa tıispiz. Jalpy zırat aýmaǵyn ǵana qorshap, belgi retinde qulpy tasqa kisiniń aty-jóni jazylsa, jetkilikti. Munyń bárin zańdy túrde retteýge bolady. Muftııat krematorıı salýǵa resmı túrde óz pozıııasyn bildirýge, zııarat turǵyzý, jerleý tártibin usynýǵa tıis». Osy jazbanyń avtory kim ekenin bilesiz be? Bilmeseńiz, aıtaıyq. Bul myqty dintanýshynyń biri  Qaırat JOLDYBAIDYŃ feısbýktaǵy jazbasy.

Al endi saıasattan habary bar, shetelde bilim alǵan, keńestik júıeniń emes, jańa zamannyń adamy sanalatyn taǵy bir azamattyń pikirine nazar salaıyq.   «Astanada krematorıı salynady, qurylysyna 1,5 mlrd teńge bólinedi degen aqparat shyqty. Biz musylman elimiz. Erteń halyq qarsy shyǵady. Qazaqta jer de kóp. Qandaı qajettilik bar?..

Bizde sheneýnikter eldiń oıy men halyqtan tym alystap ketken. Memlekettik basqarýdy bıznes proekt retinde qaraıdy. Biraq ol sheshimder halyqpen baılanysqan rýhanı dúnıeler sıntezinen ótpese túbi jaqsy bolmaıdy». Jazba avtory saıasattanýshy Baýyrjan SERIKBAEV.

Eki jazbada da Qazaqstandy «musylman eli» dep atap kórsetilgen. Bul ne? Saýatsyzdyq pa, álde bilmestik pe? Kez kelgen adamnyń nanym senimine qurmetpen qaraımyz, árıne. Alaıda ózińniń dinı ustanymyńdy tyqpalap, ol azdaı, zańdy túrde zaıyrly sanalatyn elimizdi «musylman eli» dep ataýdy qalaı túsinbek kerek?

Krematorıı salynsa da, salynbasa da quryp ketsin! Krematoııdi salý salmaýǵa siz ben bizden eshkim ruqsat suramaıdy da. Alaıda zaıyrly Qazaqstan memleketin «musylman eli» dep, onsyz da ilik izdep alasurǵan dúmshelerdi dúrliktirmeıikshi. Qazaqstan buǵan deıin de, qazir de musylman eli bolǵan emes. Qazaq dalasyna Islam memleketin ornatýǵa jantalasyp júrgenderge mynadaı pikir jazyp, qoltyǵyna sý búrkigenshe, ár qazaqtyń bilim alýyna, tehnıka tilin meńgerýine, ýaqyt aǵynyna saı azamat bolýyna yqpal eterlik dúnıe jazýǵa ne kedergi? Dinı senim be? Olaı bolsa, ózińizdiń dinı ustanymyńyzdy ár tusqa tyqpalaýdy Qazaqstan zańy da qosh kórmeıtinin eskertýge týra keledi. Jurtty shatystyrmańyzdar, Qazaqstan eshqandaı da musylman eli emes!

 

 Shoqan BAQYTULY,

«Adyrna» ulttyq portaly.  

 

 

Pikirler
Redakııa tańdaýy