276 oramda ınfraqurylym máselesi sheshimin taýyp jatyr

2142
Adyrna.kz Telegram

Shymkent qalasy Sáýle shaǵyn aýdanyndaǵy 276 oram shaharǵa Saıram aýdanynan qosylǵan. Búginde onda 700-ge jýyq turǵyn turady.

Alaıda, bul mańda bıylǵa deıin aýyz sý, jaryq, jol máselesi ózekti bolyp kelgen. Qala ákimi Murat Áıtenov kóp jyldan beri kúrmeýin tappaǵan ınfraqurylym problemasyn jiti baqylaýyna alyp, jaýapty mekemelerge tapsyrma bergen bolatyn. Nátıje kóp kúttirmedi. Qalanyń jolaýshylar kóligi jáne avtomobıl joldary basqarmasy tarapynan bes shaqyrym jolǵa shaǵal tas tóseldi. Iaǵnı, turǵyndardyń júretin jolyna 100 paıyz tas tóseldi.

Munan bólek 276 oramdy elektr júıesimen qamtamasyz etý maqsatynda demeýshiler tarapynan 25 baǵana, 2 shaqyrym sym jáne qýattylyǵy 160 kVt kóteretin transformator ornatylyp, 150-ge jýyq turǵyn úı sapaly elektr qýatymen qamtamasyz etildi.

Al aýmaqty sapaly aýyz sýmen qamtamasyz etý úshin, demeýshiler tarapynan 350 metrge jýyq sý qubyrynyń qazba jumystary júrgizilip, aýyz sý júıesi turǵyndardyń ıgiligine paıdalanýǵa berilip otyr.

Sondaı-aq, 276 oramdy ınjenerlik-ınfraqurylymmen tolyq qamtamasyz etý úshin jobalyq-smetalyq qujattamasy daıyndalyp jatyr. Jospar boıynsha qujat jyl sońynda daıyn bolýy tıis.

Shymkent qalasy ákiminiń baspasóz qyzmeti

Pikirler