Rýslan Janpeıisov sottaldy

2580
Adyrna.kz Telegram

Belsendi Rýslan Janpeıisov (shyn esimi - Beıbarys Raıymbekov) bir jylǵa bas bostandyǵynan aıyryldy, - dep habarlaıdy Shymkent qalasy sotynyń baspasóz qyzmetine silteme jasaǵan "Adyrna" portaly.

30 shildede Rýslan Janpeıisovke qatysty sot úkimi shyqty. Ol jábirlenýshiniń densaýlyǵyna ortasha aýyr dárejede zııan keltirdi, sondaı-aq bılik ókiline til tıgizdi, telekommýnıkaııa jelisinde beıne jazbalar taratty degen aıyptar boıynsha kináli dep tanyldy.

Sot belsendini bir jylǵa bas bostandyǵynan aıyrdy. Rýslan Janpeıisov jazasyn qaýipsizdik deńgeıi tómen qylmystyq-atqarý júıesi mekemesinde óteıdi.

Sondaı-aq sot jábirlenýshi taraptyń talabyn da qanaǵattandyryp, Janpeıisovten 550 myń teńge óndirip aldy.

"Isti qaraý barysynda sot aıyptalýshynyń tapansha sııaqty aerozol quralyn paıdalanyp, jábirlenýshiniń kózine oq atqany anyqtaldy. Saldarynan jábirlenýshiniń eki kózi hımııalyq kúıik alyp, onyń kórý qabileti tómendegen. Aerozol quralynyń quramynda burysh bolǵan. Sondaı-aq, ol qoǵamdyq orynda K. esimdi polıııa qyzmetkerine til tıgizip, onyń vıdeosyn ınternetke júktegen", - delingen habarlamada.

Sot otyrysy barysynda Janpeıisov jábirlenýshiniń densaýlyǵyna zııan keltirdi degen aıypqa qatysty óz kinásin moıyndaǵan joq. Sot belsendiniń osyǵan deıin de zań buzǵanyn eskergen.

"Sot aıyptalýshy men onyń advokatynyń jábirlenýshiniń betine amalsyzdan oq atqanyn jáne jábirlenýshi oǵan qarsy zańsyz áreketterdi jasaǵany týraly dálelderin eskergen joq. Osy jáne basqa da aıyptaýlar sot barysynda tekserildi. Kýágerdiń, jábirlenýshiniń kýágerlik etýi, vıdeo, sot saraptamalyq qorytyndysy negizinde aıyptalýshynyń dálelderi teriske shyǵaryldy", - deıdi sottyń baspasóz qyzmeti.

Pikirler